Политика

Мицкоски: Заев сака да претстави дека јас и ВМРО-ДПМНЕ сме власт, само за да се амнестираат од сопствената одговорност

„Навистина жалам што трагедијата и фијаското што се случува со ширењето на заразата Зоран Заев ја сведува на обична дневнополитичка пресметка, во ситуација кога дневно се заболуваат над 50 луѓе, а бројката на починати расте“, реагира лидерот на ВМРО-ДПМНЕ, Христијан Мицкоски на обвинувањата на Заев.

Но, сепак да одговорам:

Мерките против корона кризата се укинаа по препорака на Комисијата за заразни болести водена од политичарот Караџовски, а одлуката е донесена од владата на Заев и Спасовски. Мнозинството во таа влада е на Зоран Заев и СДСМ.

Тие сакаат да претстават дека јас и ВМРО-ДПМНЕ сме власт само за да се амнестираат од сопствената одговорност за погрешните одлуки и проценки.

Што се однесува до Наќе Чулев, господине Заев бидете свесен дека со нападот кон него напаѓате над 10 илјади припадници на МВР кои овие месеци го ризикуваа животот во обезбедувањето на редот и мирот. А Чулев е врвен професионалец кој работи согласно одлуки на Владата, спроведува закони и ги штити граѓаните. Вие треба да објасните зошто толку драматично го сменивте мислењето од 7 мај кога сакајќи да се додворите напишавте дека полицијата „покажа готовност, професионалност и пожртвуваност“.

Не го потценувајте народот, ваквото менување на реторика на 5 минути до 12 часот, претставува ново салто мортале на СДСМ. Добро знаеме што зборувавте вчера и колку само предупредував да не дојде до ова што го имаме денес.

Здравјето е загрозено затоа што глумевте нормализација и се боревте за потесен пораз. Сега треба да превземете одговорност и за последиците. Да ги вадиме ли пресовите кога велевте дека е под контрола работава? Слоганот ви е “нова нормалност”, а таа денес е 52 новозаболени и 5 починати“, додава Мицкоски.

Поврзани вести

Чулев: Граѓаните да ги почитуваат мерките, се надевам дека многу наскоро животот ќе се врати во нормала

Владата одобри зголемување на буџетот за поддршка на иновациите на компаниите за 12 пати

Влатко Зорба

Димитров: Благодетите од НАТО и ЕУ граѓаните ги гледаат и во борбата против коронавирусот

Влатко Зорба

Варвициотис: Разврската од Самитот на ЕУ не е пријатна за Грција, ниту за стабилноста во регионот

user3

Заев: Оставката е напишана, се чека само потписот на 3-ти јануари

Никола Поповски

Парламентарното собрание на Советот на Европа го поздрави напредокот постигнат од Северна Македонија

Влатко Зорба