Политика

Могерини: За да ги направиме војните невозможни, потребно е Балканот да влезе во ЕУ

За да се зајакне постигнатиот напред на Балканот, сега е моментот да отвориме пристапни преговори со Северна Македонија и Албанија. Се надевам дека нашите лидери во следните денови ќе ја донесат вистинската одлука, изјави денеска високата претставничка за безбедност и надворешна политика на ЕУ Федерика Могерини.

Во говорот за „Улогата на ЕУ како глобален играч“ на Универзитетот Оксфорд, меѓу другото, Могерини потенцираше дека Унијата мора да се стабилизира и да го обедини сопствениот континент со внесувањето на Западен Балкан во ЕУ.

– За да ги направиме војните невозможни на нашиот континент, потребно е да се обедини Европа со воведување на Балканот во ЕУ, истакна Могерини.

– Во последните години направивме значајни чекори, почнувајќи од договорот меѓу Грција и Северна Македонија, а важен напредок, и покрај тешкотиите, постигнат е и во дијалогот меѓу Белград и Приштина, истакна Могерини.

Таа оцени дека сите шест партнери во регионот спровеле клучни реформи и оти лидерите и народите од Западен Балкан станале свесни за важноста од меѓусебната соработка.

– Ова е истиот основен принцип, од каде почнааа првите чекори кон создавање Европска унија, по Втората светска војна. Престанавме да се бориме едни со други во моментот кога сфативме дека деловната соработка е многу подобра отколку меѓусебни судири, појасни шефицата на дипломатијата на ЕУ Федерика Могерини.

Поврзани вести

Димитров: Или ќе ја донесеме ЕУ дома или сите ќе ни отидат во ЕУ

Влатко Зорба

Трајчевски: Партијата Беса нема право на платено политичко рекламирање, таа е дел од коалицијата „Можеме“

Чулев: Полицијата подготвена да обезбеди услови за фер и демократски избори

СДСМ: Извршителот Мицкоски покажа колку е очаен губитник, денеска во Собранието победи правдата

Влатко Зорба

Чулев не негира дека сака да вработи во МВР лице за кое ФБИ водело истрага за хакерски напад

Столтенберг во Загреб: Северна Македонија наскоро ќе стане членка на НАТО

Влатко Зорба