Политика

Пендаровски: Срамно и без преседан е политички да се полемизира од позиција на висок воен чин

Не постои ниту една Армија во светот чиј висок воен чин, полковник, се расправа за политика во медиуми со актуелниот министер за одбрана. Тоа го нарушува кредибилитетот на Армијата, но и довербата на граѓаните во институциите на системот.

Вака претседателот Стево Пендаровски денеска одговори на новинарско прашање околу неговиот став во врска со барањето на министерката Радмила Шекеринска за измени во Законот за служба во Армијата кои ќе наложат, високи воени лица да не смеат да бидат членови на партија.

Го покренав, рече Пендаровски, тоа прашање на последниот Совет за безбедност. Мислам дека станува збор за ситуација без преседан.

– Тоа е ситуација без преседан која мора час поскоро да се надмине. Срамна е за луѓето што ја прават, но е и девастирачка за имиџот на институциите. Ако најавените измени во Законот за служба во Армијата се во оваа насока, поддржувам каква било потребна нормативна измена што тоа ќе го спречи. Ако сте кандидат на избори, во време на кампањата сте ослободени од армиските должности и во тој период сте политичар или кандидат за политичка функција. Излезете надвор од инситуцијата, влезете во политика, организирајте се самостојно или во политичка партија и можете до утре сабајле да коментирате. Кога сте внатре во структурата на Армијата, особено во еден ваков чувствителен сектор како што се Армија, полиција, тогаш тоа е ситуација без преседан, напомена Пендаровски.

Претседателот дополни дека случаи на политичко полемизирање со актуелните раководители има и во Агенцијата за разузнавање, како и во други институции, што, исто така, рече, е без преседан.

Поврзани вести

Радев: Не може да се прават компромиси со историјата и јазикот

Влатко Зорба

ВО ЖИВО: 25. Конгрес на СДСМ

Ајдари: Движењето „Беса“ како дел од коалицијата „Можеме“ на овие избори освои над 1200 гласа

Заев на средби со Хан, Сасоли и Туск во Брисел

user3

Царовска: Она што го слушнавме од Јанушев ги вознемири сите жени во државата

ВМРО-ДПМНЕ: Катастрофалните мерки на оваа власт предизвикаа драстичен пад од 12.7% на БДП во вториот квартал

Никола Поповски