Политика

По Санчез и Ципрас упати поддршка до претседателот Заев и коалицијата Можеме

Претседателот на грчката партија Ципрас и поранешен премиер на Грција, Алексис Ципрас цитирајќи ги македонските поети Блаже Конески и Владимир Мартиновски истакна дека дека лидерот на СДСМ, Зоран Заев и неговата партија отворија ново прогресивно поглавје во историјата на Северна Македонија, но и на европскиот Балкан и дека таквото поглавје базирано на соработка, економски напредок и социјална правда може да продолжи само со Заев на чело на идната влада во земјава.

Ципрас денеска упати видео порака со поддршка за Заев, СДСМ и  коалицијата „Можеме“.

-Пред две и пол години го запознав Зоран Заев. Го препознав во него истото она што го покажуваат многу други лидери. Дека тој не зборуваше за минатото, туку за иднината. Тој не зборуваше за проблеми, туку за решенија. Тој не ги изразуваше балканските несигурности на мала европска земја која се плаши да ја изгуби својата историја, тој ја искажа европската визија за самоуверена балканска земја која се бори за создавање историја. Не историја со војни, нетолеранција и сиромаштија, туку ново прогресивно поглавје во историјата на Европски Балкан, базирано на заемна почит, соработка, толеранција, економски развој и социјална правда. Иднина во ЕУ и во НАТО, како што избра народот на Северна Македонија, истакува Ципрас во видео пораката.

Вели три години не се доволни за да се исполнат очекувањата на една земја, но како што докажале Заев, Никола Димитров и социјалдемократите, доволни се за да ја сменат судбината засекогаш.

-Има уште многу работа во ова ново поглавје од историјата и таа може да се направи само под водство на прогресивен и храбар лидер како Зоран Заев. Пред многу години, вашиот голем поет Блаже Конески напиша:

„Уште рика истата мака во мене, дека сум роден во смачкано племе, сејач на глуво семе“ . Но, во последните две години откако го потпишавме Преспанскиот договор, слушам различна песна на надеж, од новата генерација на Северна Македонија. Владимир Мартиновски вели: „Купете две векни мир и семе, да го израснеме назад загубеното време.“ Па, и јас, заедно со оваа нова генерација, велам, на 15-ти јули, купете две векни мир и семе, да го израснеме назад загубеното време, порача Ципрас во својата видео порака.

Поврзани вести

ДИК: Не сме почнале подготовки за предвремените избори

Влатко Зорба

Сугарески: Нема поголеми проблеми во спроведувањето на проектите – динамиката и прогресот на активностите извонредно тече

Влатко Зорба

Заев: Нема да има врзан потпис со Груби

Влатко Зорба

Коневски: Мицкоски зошто не си одиш достоинствено?

Александар Петровски

Трајчевски: Партијата Беса нема право на платено политичко рекламирање, таа е дел од коалицијата „Можеме“

Заврши лидерската средба, без изјави од лидерите и претседателот