Политика

Поповски: Сѐ уште постојат чудни центри на влијание на нормалното информирање

Сѐ уште постојат центри на влијание и на отпор за нормалното информирање и за нормална програмска содржина што треба да ја нуди Националната радиотелевизија, истакнал министерот за комуникации, отчетност и транспарентност, Роберт Поповски на јавната дебата посветена на „Финансирање, управување и регулација на Јавниот сервис – НРТ“.

Поповски говореше на темата „Законот за аудио и аудиовизуелни медиумски услуги – влијанието на обезбедените услови за институционална и уредувачка независност на НРТ“. Тој се осврна на важноста на реформите во сферата на медиумите, особено на јавниот радиодифузен сервис, при што нагласи дека оваа Влада по периодот на купена уредувачка политика и заробена држава, преку низа мерки придонесе кон намалувањето на политичкото влијание во медиумите, јавниот сервис и медиумскиот регулатор, соопшти денеска владината прес-служба.

Министерот Поповски истакна лдека оваа Влада ја артикулирала потребата од измени и дополнувања на Законот за аудио и аудиовизуелни услуги, со цел професионализација и департизација на регулаторното тело и јавниот радиодифузен сервис.

Како што навел Поповски, иако Законот за аудио и аудиовизуелни услуги беше изработен во поширок политички консензус во кој се интегрирани забелешките на новинарските и медиумските организации, како и клучните препораки на експертите, сепак опозицијата една година го блокираше овој клучен закон за реформските процеси во државата.

-Последниот бастион на отпор кон перспективите на државата остана Македонското радио. Таму за време на референдумот продефилираа сите најтврдокорни ликови кои сакаа крв да се пролее за да не се случи перспективата на Македонија. Кога Франција стави вето на почетокот на преговорите имаше вечер на француски шансони. Ви кажувам дека сѐ уште постојат некои чудни центри на влијание и на отпор на нормалното информирање и на нормалната програмска содржина што треба да ја нуди јавниот сервис. Она што Владата го прави е целосно ослободување на какво било политичко влијание или притисоци врз начинот на информирање и ја овозможуваме клучната улога на јавниот радиодифузен сервис објективно, професионално, навремено и точно информирање на граѓаните, рекол министерот Поповски.

Поврзани вести

Јанева во прединфарктна состојба задржана на „Жан Митрев“

user3

По допрен глас почната предистражна постапка за Александар Николоски

Димковски закажа прес-конференција за објавената аудио снимка со негов советник

Влатко Зорба

Кога бизнисот се развива, и граѓаните ќе имаат подобар животен стандард, му рече Заев на Дендиас

Влатко Зорба

Лукаревска со граѓаните во Ѓорче Петров: Ќе продолжат инвестициите во здравството и во човечкиот капитал

Таравари: Албанците се шегуваат со предлогот на Ахмети за Албанец премиер

Никола Поповски