Политика

Руте: С. Македонија е блиску до старт на преговорите, Албанија не е подготвена

Холандија не е против проширувањето на ЕУ и смета дека Северна Македонија е блиску до започнување на преговорите за членство, но оти Албанија се уште не е подготвена за страт на преговорите, изјави холандскиот премиер Марк Руте за подгоричка „Побједа“.

– Не веруваме дека Албанија во моментов е подготвена да ги почне преговорите со ЕУ. Што се однесува до Северна Македонија таа е поблиску до таа цел, вели Руте.

Тој посочува дека на состанокот на Европскиот совет во Брисел и покрај ваквата констатација за подготвеноста на двете земји, некои членки на Унијата не се согласиле процесот да биде раздвоен.

– За разлика од нив, одделни земји сакаа раздвојување и затоа на последниот Европски совет немаше одлука за прашањето за отворање преговори со овие две земји, изјави Руте.

Прашан дали 2025 година е реален рок за прием на некоја од земјите од Западен Балкан во ЕУ, холандскиот премиер вели дека одредувањето крајни датуми не е цел сама по себе и оти најважно е да бидат исполнети условите.

– Немаме ништо против проширувањето на ЕУ, но мораме да се погрижиме да ги почитуваме правилата и целиот процес да биде строг и чесен. Тоа е нашата позиција, изјави Марк Руте за подгоричка „Побједа“.

Поврзани вести

Рускоска: Одлуката на Уставниот суд може да ги амнестира сите за „27 април“

Влатко Зорба

СДСМ: Договорот од Преспа ги отвори вратите на НАТО и ЕУ, одиме напред

Богојески: Мицкоски нема капацитет и кредибилитет да донесе изборна победа, секако ќе ги изгуби изборите

Влатко Зорба

Група граѓани во посета на кабинетот на претседателот Пендаровски

user3

„Шпигел“: Доколку националистите дојдат на власт во С. Македонија, патот на земјата ќе биде непредвидлив

user3

ВМРО-ДПМНЕ: Падот од 7 места на „Дуинг бизнис“ значи дека Владата ништо не работи (ВИДЕО)

Влатко Зорба