Политика

СДСМ: Избори час поскоро, државата не смее да продолжи да функционира со техничка влада

Избори мора да има час поскоро, бидејќи најважно за државата и за граѓаните е што поскоро да добиеме институции со целосна функционалност. На нашата парламентарна демократија, на нашата економија, но пред се на јавното здравје, и на сите наши граѓани, на сите ни е потребно ново активно Собрание, за да се носат сите неопходни одлуки за менаџирање на здравствената и економската криза, се вели во соопштението на СДСМ.

-Изборите по сила на закон се на истекот на 22 дена по завршување на вонредната состојба, а тоа значи дека изборите ќе бидат на 5 јули – било какво пролонгирање не е можно, ниту од правен ниту од праведен аспект. Секој термин за избори кој ќе навлезе во летниот период, ќе го загрози гласачкото право на граѓаните, зашто ќе го спротивстави со правото на одмор, затоа изборите треба да се случат веднаш, согласно законските рокови, велат од СДСМ.

Според нив избори на есен се опасна идеја за здравството и економијата. Државата не смее да продолжи да функционира со техничка влада и без Парламент. Овие две инститиции мора да се во полн технички и политички капацитет, заради успешно справување со Ковид-19.

-Изборите се поважни за здравјето на граѓаните и од кафеаните, и од спортските натпревари, и од славите и веселбите. Ако можеме да ги правиме овие, сигурно можеме да одиме на избори, бидејќи тие се целосно безбедни за здравјето на граѓаните. СДСМ е одговорна партија, а одговорна политика е да се обезбеди работата и функционалноста на сите институции, затоа изборите мора да се одржат час поскоро, а сите политички субјекти, особено ВМРО-ДПМНЕ треба да преземат одговорни чекори и да бидат дел од решението, наместо да бидат извор на проблеми, велат од СДСМ.

Поврзани вести

Бизнисот со канабисот причинa за расправа меѓу Заев и Милошоски

user3

„СТОП за извршители“: Изненадени сме од нивниот штрајк, но ќе им помогнеме да ги затворат канцелариите

Влатко Зорба

Милошоски: Заев е уплашен и знае дека неселективноста во делување на Чулев може да тропне и на неговата врата

Лукаевска: Имаме пораст на поврат на ДДВ за 43 отсто во однос на 2016 година

Влатко Зорба

Средба Османи – Тигањ: Република Хрватска изразува јасна поддршка за европските интеграции на Република Северна Македонија

Никола Поповски

Почна изборната кампања, партиите на средби со граѓани со почитување на мерките