Политика

СДСМ: Лицата од неформалната економија кои се без приходи ќе добијат по 7000 денари

Коронавирусот комплетно го промени начинот на кој фунцкионира светот и никој не е поштеден. И нашата земја како дел од глобалната криза која го зафати светот, покрај здравствените се соочува и со економски предизвици, велат од СДСМ.

Тие додаваат дека Владата на Република Северна Македонија со вториот сет на економски мерки, вреден 200 милиони евра, има јасна цел за да се ублажи економскиот удар од коронавирусот.

-Со цел да се зачуваат што повеќе работни места, Владата предводена од СДСМ, обезбедува директна помош во исплата на месечен приход-плата за месеците април и мај при што опфатени се околу 250.000 работници и околу 35.000 компании, кои имаат директна штета од коронавирусот.Истовремено, Владата донесе и одлука за забрана за нови вработувања и нови ангажирања во јавниот сектор. Донесена е и одлука, сите средства од заштеда од непродуктивните трошоци да се пренаменат за справување со здравствено-економската криза.За спортските работници вработени во спортските здруженија, како и самостојните уметници е обезбедена минимална плата од 14.500 денари за месеците април и мај, како и придонеси преку Министерството за култура, велат од СДСМ.

Оттаму додаваат дека граѓаните што останале без работа ќе земаат 50% од просечната плата што ја имале кога биле вработени.

-Додека пак, лицата од неформалната економија кои останале без приходи се обезбедуваат по 7000 денари помош од државата за месеците април и мај. Со оваа мерка ќе бидат опфатени 20.000 нови домаќинства, кои веднаш ќе влезат во системот на социјална заштита, како и 30.000 веќе постоечки корисници.Ова е тежок период за сите нас, но само заедно, сплотени и солидарни можеме да ја победиме оваа криза. За таа цел се формира и солидарен фонд за помагање на здравјето на граѓаните и други социјални потреби на граѓаните.СДСМ покажа како преку исправни политики, истрајност и посветеност се рушат сите бариери и се постигнуваат зацртаните цели.Затоа веруваме дека сите заедно и овој пат ќе успееме да се избориме и со здравствената и со економската криза!, велат од партијата.

Поврзани вести

Османи и Димитров утре во работна посета на Франција

Stefanija Kuzmanovska

Заев: Никој не може да ни ги одземе реформите и промените кои заедно ги постигнавме

Влатко Зорба

Максим Ацевски предложен за главен државен ревизор

Влатко Зорба

Пендаровски за преговорите: Од нас се што беше побарано, се имаме испорачано

user3

„Рекет“: Куќен притвор за Мандиќ, за Ременски определени мерки на претпазливост

Влатко Зорба

Независната пратеничка група од ВМРО-ДПМНЕ ја поздрави ратификацијата на Протоколот за НАТО од страна на САД

Влатко Зорба