Политика

СДСМ: Со економските мерки ги спасуваме работните места, време е за солидарност

СДСМ го поддржува вториот голем пакет економски мерки за справување со економската кризата, вреден 200 милиони евра, што го донесе Владата и го поздравува фактот што се усвоени голем дел од економските мерки што ги предложивме, велат од партијата.

Оттаму додаваат дека со мерките, кои имаат за цел да го ублажат економскиот удар, опфатени се граѓаните, работниците, малите и средните претпријатија, дуќаните, занаетчиите, и оние што се дел од неформалната економија, спортистите, уметниците…

– Обезбедуваме финансиска поддршка за исплата на платите на работниците од фирмите погодени од здравствено-економската криза, минимална плата од 14.500 денари за месеците април и мај за секој работник.

– За граѓаните кои останале без работа поради кризата, државата ќе исплаќа месечна плата, во висина од 50 проценти од просечната плата на работникот во последните 24 месеци.

– За сите спортски работници вработени во спортските здруженија, како и за самостојните уметници обезбедена е минимална плата од 14.500 денари за месеците април и мај, како и придонеси преку Министерството за култура.

– Се грижиме и за лицата во неформалната економија. Обезбедуваме надомест од 7.000 денари по домаќинство за лица без работен ангажман или лица кои биле дел од неформална економија. Со оваа мерка ќе бидат опфатени 20.000 нови домаќинства, кои веднаш ќе влезат во системот на социјална заштита, како и 30.000 веќе постоечки корисници.

– Духот на солидарноста и неопходните заштеди сите избрани и именувани функционери на државно и на локално ниво ќе земат минимална нето плата од 14.500 денари за месеците април и мај 2020 година.

– Дополнително, претседателите и членовите на управни и надзорни одбори на јавни институции, претседатели и членови на Советите во општините, а кои се вработени нема да примаат надомест за времетраење на кризата.

Време е за солидарност и заедничка акција во борбата против коронавирусот и санирање на екононските последици од оваа глобална пандемија.СДСМ во изминатите две и пол години покажа дека знае и може преку конкретни политики да се справи со сериозни предизвици и да постигне успешни резултати.За нас секој граѓанин, секој работник, секое работно место и секоја фирма и компанија се важни, велат од СДСМ.

Поврзани вести

Нуредини: Единствен опасен отпад е комуналниот, царинските контроли мора да бидат темелни

Влатко Зорба

Мизрахи даде негативно мислење на Предлог законот за материјално обезбедување на стечајци (ФОТО)

Влатко Зорба

Пендаровски: Макрон ме увери дека проблемот не е во Северна Македонија, туку во ЕУ

Влатко Зорба

Заев во Прилеп: Ќе има огромно покачување на пензиите

user3

Пленковиќ: Задоволни сме поради потврдата на одлуката за отворање пристапни преговори со С.Македонија

Пропадна продажбата на 1 ТВ

Влатко Зорба