Политика

Шекеринска: Rетроградните политики на ВМРО-ДПМНЕ да останат во минатото

Граѓаните на Македонија денеска се граѓани на светот, еднакви со најмоќните во НАТО и со отворено добредојде во ЕУ, со зачуван идентитет и потврден и признат во светот македонски јазик. Од тоа поголемо достоинство нема, истакнува во видео обраќање носителката на кандидатската листа во Петтата изборна единица на коалицијата „Можеме“, Радмила Шекеринска.

Порачува ретроградните политики на ВМРО-ДПМНЕ да останат во минатото и никогаш повеќе да нема режим во земјава. Тие, вели Шекеринска, не заслужуваат втора шанса да го продолжат истото.

– Зборуваат за достоинството наместо да ја наведнат главата и да се извинат зашто 11 години со сите сили го газеа достоинството на својот народ и држава. Зборуваат за достоинството тие кои 11 години владееја со страв и закани, тие кои ги искрадоа граѓаните а земјата ја изолираа, ја заглавија во омраза и ја претворија во жртва. Тие чиј лидер избега со парите на граѓаните, а тие прават се за да го вратат неговиот начин на владеење – за да продолжат да заплашуваат и да се богатат на сметка на иднината на секој граѓанин, вели Шекеринска во видео пораката.

Се изборивме заедно, нагласува Шекеринска, за слободата и ја поставивме земјата на вистинскиот пат.

– На 15 јули заокружете го бројот 3 да продолжиме заедно. Само заедно можеме напред. Да ја одржиме последната лекција заедно – режим никогаш повеќе во Македонија, порачува Шекеринска во видео пораката.

Поврзани вести

Филипче го прогласија за витез, нека внимава да не стане џелат, вели Мицкоски

Дескоска се збогуваше со вработените во министерството за правда и од утре му се враќа на универзитетот

Александар Петровски

„Насилство пред Општина Центар“ продолжува на 24 септември

Влатко Зорба

Жерновски: ЕУ мора да направи внатрешните реформи и проширувањето да продолжат паралелно

Помпео: Убеден сум дека Севрна Македонија ќе биде силна земја сојузник во НАТО

Влатко Зорба

СДСМ: Опозицијата ги блокира предлог законските решенија за отпис камати и репрограмирање на долгови

Stefanija Kuzmanovska