Политика

Спасовски: Верските заедници и верниците треба да бидат на ниво на одговорноста

Поглаварите на верските заедници во земјава ги поздравија мерките и чекорите што ги презема Владата во справувањето со коронавирусот во насока на ефикасна заштита на здравјето на граѓаните. Ова е заклучокот од средбата на премиерот Оливер Спасовски и директорот на Комисијата за односи со верските заедници и религиозните групи Даријан Сотировски со поглаварите на верските заедници во земјава.

На средбата, како што соопшти владината прес-служба, присуствувале архиепископот на Македонската православна црква – Охридска Архиепископија, архиепископ Охридски и македонски, г.г. Стефан, на Исламската верска заедница, Реис Ул Улема хаџи Сулејман ефенди Реџепи, на Католичката црква, бискупот скопски и епарх струмичко – скопски, Киро Стојанов, на Евангелско – методистичката црква, претседателот на Црковното претставништво, Емил Заев.

Поглаварите на верските заедници изразиле благодарност до премиерот Спасовски за отвореноста за соработка и, како што се наведува во соопштението, е изразена силна поддршка да биде направено сè што е возможно од сите страни, за справувањето со ситуацијата.

Премиерот Спасовски ги информирал поглаварите за сите важни информации околу мерките што ги презема Владата за заштитата на здравјето на сите граѓани, како врвен приоритет. Поглаварите, пак, го информирале за мерките што тие ги преземаат за поголема заштита на верниците. На средбата биле разгледани можности за максимална заштита на верниците.

-Заеднички е ставот дека здравјето на граѓаните е врвен приоритет и дека сите во државата, вклучително и верските заедници и верниците, треба да бидат на ниво на одговорноста со цел да се придонесе за спречување на можно ширење на болеста и непосакуваните последици, се вели во соопштението од Владата.

Поврзани вести

МЗ: Закажани 20.069 граѓани за бесплатна вакцинација

Влатко Зорба

Пендаровски: Одлуката во Брисел беше шок за сите

user3

Заев: Рано е да се зборува за коалиции

Влатко Зорба

„Глас за Македонија“ бара масовно и бесплатно тестирање на населението за коронавирусот

Берта Китинска

Кочоска: Ми забранија да имам увид во сметките и во буџетот (ВИДЕО)

Влатко Зорба

Нухиу: Будимпештанскиот процес содржи политика за управување со миграција

user3