Политика

Спасовски за Мизрахи: Несериозно е со Уставот да се играат играчки

Несериозно е со Уставот да се играат играчки – кога некому му одговара, да го почитува, а кога треба да добие партиски интерес да го погазува. Ги повикувам членовите од преодната Влада со интегритет да ја извршуваат функцијата, да ги почитуваат законите и да го дадат својот максимален придонес во овие исклучително важни услови за земјата, рече вечерва техничкиот премиер Оливер Спасовски, образложивајќи го Предлогот за разрешување на министерката за труд и социјална политика Рашела Мизрахи.

Спасовски изрази надеж дека ВМРО-ДПМНЕ ќе покаже демократски капацитет и ќе предложи нов кандидат за министер.

-Побарав Мизрахи да биде разрешена по серијата нејзини настапи на кои грубо ги прекрши законите кои го уредуваат уставното име на земјата. Во Владата не го корегираше ова свое однесување. Секој треба да ги почитува Уставот и законите, а институциите мора да функционираат беспрекорно, нагласи премиерот.

Нашата држава, потенцира, е во многу значаен период кога треба да се организираат фер, демократски избори и да се завршат активностите за членство во ЕУ и НАТО. Затоа, да направиме сé за да дадеме што повеќе позитивни аргументи за да добиеме датум за почеток на преговорите.

-Сега е моментот да дадаме максимум за добро на граѓаните и државата, да ги оставиме настрана стават партиските и личните интереси. Владата мора да овозможи континуитет на институциите, владење на правото. Имаме историска одговорност за организирање избори какви што доликуваат на европска демократија. Апелирам до опозицијата – одговорноста за спроведување беспрекорни избори е и Ваша, не само на парламентарното мнозинство. Вие побаравте, а мнозинството прифати да се формира преодна влада, а ако побаравте преодна влада за да правите хаос, ниту смее, ниту треба да ви се дозволи тоа. СДСМ и коалциијата покажаа како се организираат избори и како демократски се управува со државата. Сега е време ВМРО да се одважи и охрабри, да ги прифати и спроведува демократските стандарди, времето на флоскули и калкулантство треба да заврши, порача Спасовски.

Координаторот на ВМРО-ДПМНЕ, Никола Мицевски побара од Спасовски да си поднесе барање за сопствено разрешување зашто во образложението го користеше името Република Македонија, што исто така, како што укажа Мицевски е против уставно.

-Изгелда потсвеста многу работи, па сакајќи или не го употребувате името Република Македонија. Очекувам дека ќе поднесете барање за Ваше разрешување, да бидете принципиелни, да покажете дека немате двојни аршини, рече Мицевски.

Пред пратениците во моментов се обраќа министерката Мизрахи.

Поврзани вести

Мицкоски: Македонија има сериозен проблем со криминалните структури во правосудниот систем

Влатко Зорба

Мицкоски: Не сум ги делел докторите на ваши и наши, се сложувам со констатацијата „наместо да фрлевте 600 милиони за болници, отколку за споменици“

Милевски: Конечно ќе видиме кој се бори за правдата во државата

Влатко Зорба

Пендаровски сигурен дека Бугарија нема да не блокира на претстојниот Европски совет

user3

Мицкоски за утревечер најави нов протест во Скопје

Влатко Зорба

Стартува проект за вклучување на лицата приматели на социјална помош на пазарот на труд

Влатко Зорба