Политика

Тимоние: Знам дека е тоа долг пат, но ние сме на ваша страна да ви помогнеме во тоа

Процесот на ревизија на ЕУ постои и доколку се дадат позитивни точки до месец мај и од ваша и од наша страна мислам дека ќе добиеме добри вести, изјави денеска во Собранието францускиот амбасадор Кристијан Тимоние.

Запрашан дали е оптимист дека до мај земјата може да ја заврши домашната задача за да добие зелено светло за преговори со ЕУ, амбасадорот Тимоние при тоа истакна дека најпрво треба да се организираат добри избори, односно да се продолжи во континуитет добивањето на позитивните извештаи од ОБСЕ за организирањето на изборите, но исто така и избирачкиот процес да биде зајакнат. Со тоа, рече, ќе се испорача добра слика за Северна Македонија дека е демократска земја но исто така и дека ги исполнува сите Копенхашки критериуми.

– Овој собраниски состав би требало да го заврши својот законодавен циклус со усвојувањето на закон што ќе спречи секаков вид насилство врз жените. Би било убав гест, доколку се усвои тој закон, но потоа останува на големите политички партии да се договорат за начинот на организирањето на изборите, но исто така, и да се договорат за поуспешна борба против корупцијата и за поеднакво судство кое успешно ќе се справува со корупцијата. Знам дека е тоа долг пат, но ние сме на ваша страна да ви помогнеме во тоа. Знаете дека постои тој процес на ревизија на ЕУ и доколку се дадат позитивни точки до месец мај и од ваша и од наша страна мислам дека ќе добиеме добри вести, кажа Тимоние пред одржувањето на панел дискусијата по повод одбележувањето на 70-годишнината на Советот на Европа посветена на подобрување на пристапот до обесштетување на жртвите за трговија со луѓе и родово-базирано насилство.

Поврзани вести

Жбогар за МИА: Треба да се воздржиме од ветувања за датуми и да се фокусираме на промени

user3

Ангеловска: Единствено кога губи сивата економија, добиваат сите

Влатко Зорба

Хависто: Посакуваме Северна Македонја и Албанија во октомври да почнат преговори со ЕУ

Влатко Зорба

Шилегов за Градска куќа: Ќе се обидеме да продадеме објект кој не е достоен за градот Скопје

Влатко Зорба

Жбогар: Пописот треба да биде ослободен од политичко влијание

Влатко Зорба

Словенски медиуми: Како парите на Орбан, пренесени во Словенија, завршија во Северна Македонија?

Никола Поповски