Политика

Вархеји: Определивме првична финансиска помош и начини за ублажување на социоекономските последици во С.Македонија

Еврокомесарот за соседска политика и проширување на Европската Унија, Оливер Вархеји, денеска со писмо го информираше претседателот на Владата Оливер Спасовски дека веќе издал инструкции четири милиони евра од инструментите за ЕУ-интеграција да бидат пренасочени за итни потреби на Северна Македонија.

Како што соопшти владината прес-служба, Вархеји во писмото навел дека се разгледува начин наградата за успешност од 50 милиони евра за државата, првично наменета за инфраструктура и животна средина, да биде пренаменета за ублажување на социјално-економски штети предизвикани од кризата.

-Еврокомесарот за соседска политика и проширување Оливер Вархеји истакнува дека во итна процедура е ставена постапката за доделување 9 милиони евра за поддршка на ликвидноста на малите и средните компании, а 3 милиони евра ќе бидат наменети за директна буџетска поддршка. Вархеји во писмото до премиерот Спасовски наведува дека во период кога Европа и светот се соочуваат со криза предизвикана од пандемија на вирусот КОВИД-19, во соработка со меѓународните финансиски институции се разработуваат проекти за ублажување на финансиските проблеми и менаџирање на кризата во Република Северна Македонија и во регионот, соопшти прес-службата на Владата.

Еврокомесарот Вархеји во писмото информирал и дека во соработка со Советот за регионална соработка, Секретаријатите на ЦЕФТА и на Транспортната заедница се утврдуваат начините за непречен транспорт на стоки во регионот и во Европската Унија.

Поврзани вести

СДСМ: Мицкоски е изгубен во сопствените заблуди, па заборавил и да брои

Влатко Зорба

Васев: Што е тоа што не сака Мицкоски да се открие за неговите хидроцентрали? (ВИДЕО)

Влатко Зорба

Костадинов: Лажни веси, деструкција, конструирани случаи и непочитување на мерките, тоа е она што Мицкоски им го нуди на граѓаните (ВИДЕО)

Влатко Зорба

Мицкоски за кампањата на ДУИ за Албанец премиер: Внимавајте како се однесувате

Влатко Зорба

Димовски за акцијата во Крушопек: Најголема количина било кога запленета во РМ

Влатко Зорба

Ахмети: Како орелот кој лета високо, без да го загуби во ниту еден момент погледот од целта, заедно успеавме

Влатко Зорба