Политика

ВМРО-ДПМНЕ прашува дали Вице Заев стои зад опожарените автомобили во Скопје

Дали Вице Заев се активира и во Скопје?! Дали Вице Заев, братот на Зоран Заев, за кој слушнавме дека давал насоки чие возило да биде опожарено е нарачателот на палењето на возила во Скопје?! Аздисуваат ли бандите на власта и дали зад сцената се случува нова мафијашка пресметка, прашуваат од ВМРО-ДПМНЕ.

„Скопје повторно станува како Бејрут. Запалени автомобили на секаде, а СДСМ не реагира преку институциите, кои сеуште се под нивна контрола. Ова само говори дека или мафијашите делуваат под нивна наредба или дека се неспособни да се справат со обични криминални пресметки кои им се случуваат пред нос.

Безбедноста во град Скопје е на очајно ниско ниво, а никој за тоа не сноси одговорност.

Граѓаните не знаат кога нечие возило ќе биде опожарено, некој од нив ќе биде ограбен или пак ќе биде жртва на криминални банди. Никој не се чувствува безбеден со СДСМ на власт. За трагедијата да биде уште поголема, СДСМ воопшто не може да ја гарантира безбедноста на луѓето. Ова е пракса веќе три години.

Криминалот и мафијашките пресметки мора да запрат. За ова мора да има одговорност. Безбедноста на граѓаните е пред се“, велат од партијата на Мицкоски.

Поврзани вести

Османи: Засега прашањето на рамката е задржано за јуни

Положено цвеќе на Партизанските гробишта во Бутел по повод 11 Октомври

Влатко Зорба

СДСМ: Брзи избори за уште позасилено да продолжиме на правиот пат на реформи, напредок и интеграција

Влатко Зорба

Мицкоски: Нѐ има сѐ повеќе и ќе бидеме сѐ посилни

Влатко Зорба

Адеми: Коалицијата на СДСМ и Беса ги дефакторизира гласовите на гласачите Албанци

Влатко Зорба

Не се разговарало за формирање влада: Заев и Гаши имале само ручек средба

Никола Поповски