Политика

Во ситуации кога е неопходно, личните карти и возачките дозволи ќе се доставуваат од полициски службеници на домашна адреса

Министерот за внатрешни работи Наќе Чулев денеска најави дека в понеделник ќе се смени правилникот со што во ситуации кога е неопходно личните карти и возачките дозволи ќе има можност да се доставуваат на домашна адреса на граѓаните.

Ваквата можност нема да важи за пасошите бидејќи за нив при подигањето на документот е потребно е да се остави отпечаток од прст.

– В понеделник ќе го смениме правилникот при што во оние ситуации кога тоа е неопходно ќе се остави можност личните документи, односно личните карти и возачките дозволи, да може да се доставуваат од страна на полициски службеници на домашните адреси. За патните исправи не постои техничка можност бидејќи мора да се земе повторно отпечаток од прст, рече Чулев, одговарајќи на новинарска прашања на прес-конференција.

Додаде дека дадени се конкретни упатства до Одделот за управни работи како да се однесуваат во ситуација со коронавирусот односно да се почитува соодветното растојание кога граѓаните поднесуваат барања за документи. Дадени се и конкретни насоки за дезинфекција на уредите каде на граѓаните им се зема отпечаток од прст.

Чулев информира и дека на ниво на Влада се разговара и за можноста во следниот период да им се дозволи на сопствениците на миленици кои живеат во колективните станбени објекти да ги изнесуваат милениците на одредено растојание од објектите.

Поврзани вести

Димитров: Нашиот пример е одлична можност да се докаже дека пристапниот процес е вистинска алатка за европска трансформација на државите во регионот

Влатко Зорба

Протести и штрајк ако не успеат преговорите меѓу УПОЗ и МИОА

user3

Холандија го ратификуваше протоколот за пристапување на С.Македонија во НАТО

Влатко Зорба

Мерките на Мицкоски не ја стимулираат приватната и јавната потрошувачка, тврди Заев

Влатко Зорба

Организаторите на денешниот протест пред Собранието се скараа со пратениците од ВМРО-ДПМНЕ

Влатко Зорба

Блок: Не гледам пречка веднаш да се одржи првата меѓувладина конференција со С. Македонија

Влатко Зорба