Политика

Заев: Штетите од коронавирусот допрва доаѓаат од месец април

Штетите од коронавирусот допрва доаѓаат од месец април и по буџетот и по компаниите. Сега е доминантна здравствената криза, потоа доаѓа економската криза, посочи претседателот на СДСМ Зоран Заев на гостувањето во дневникот на ТВ Сител.

Заев посочи дека очекувањата за наплатата на приходите се помеѓу 30 и 40%, а тоа значи дека околу 60% ќе недостасуваат и не можат да се наплатат, со оглед на тоа дека луѓето се дома, потрошувачката е намалена, угостителството не функционира, фабриките делумно работат. А 60% се 2 милијарди 200 милиони евра. Барањата по основ на кредитеи ни се околу 1 милијарда и 200 милиони, а досега понудени се само 600 милиони евра.

Во однос на тоа дали државата доцни со барањето на помош, Заев посочи дека не станува збор за никакво доцнење ,процедурата е започната на почеток на месец март, но со оглед на тоа дека ниедна земја не е поштедена од вирусот, помош бараат и други земји и многу поголеми од нашата.

Тој истакна дека навремено биле известени и побарано помош од ММФ, Светска банка, Европска инвестициона банка, Европска банка за обнова и развој како и приватните банки, од кои се очекуваат околу 400 милиони евра.

За да бидеме поефикасни на краток рок,мораме да бидеме солидарни и товарот да го понесеме заеднички.Работниците да земаат плата,бизнисот да работи, затоа и го предложивме овој пакет, но Владата тоа може да го разработи со подсолидарни пакети и и во делот на компаниите и кај јавната администрација. Првиот чекор е кратењето во непродуктивните трошења, а вториот се кратењата кај јавната администрација. Државата веќе почнува со кратење на непродуктивните трошења, и по тој основ веќе има скратено 7 милијарди денари преку кратење на непродуктивните трошоци, но нам ни се потребно 60 милијарди денари-посочи Заев.

Поврзани вести

Спасовски: Извештајот е добра најава за почеток на преговорите со ЕУ

Влатко Зорба

ДОМ се откажува од буџетските средства за партијата

Влатко Зорба

ВМРО-ДПМНЕ: Првиот академски час за студентите започна со многу проблеми (ВИДЕО)

Влатко Зорба

Пендаровски: Високата корупција е една од најголемите безбедносни закани за иднината на земјата

Влатко Зорба

Блокираните институции, кои не внесоа податоци за вработените во администрацијата, ќе добијат плата

Влатко Зорба

Мајк Помпео во Охрид на средби со државниот врв

Влатко Зорба