МАКЕДОНИЈА

Полни туристичките капацитети во Малешевијата, најголем број посетители од Бугарија

Туристичките капацитети во Малешевијата за дочек на Нова година се преполни со странски туристи. Најголем дел од нив се гости од Бугарија, кои како што велат пехчевските угостители, ги резервирале своите места пред повеќе од три месеци.

– Во нашиот капацитет одамна нема место за нови гости кои сакаат Новата година да ја дочекаат во Пехчево. Причината е што имаме туристи кои задоволни од нашата понуда како редовни гости во минатото, од поодамна го резервираа своето место за дочекот на Новата година, велат од туристичкиот капацитет „Гогов”.

Туристите, како што додаваат, се одлучуваат овде да ги поминат празниците поради чистата и недопрена природа и обилната гастрономска понуда.

-Храната можеби е на прво место, бидејки во понудата не само кај нас, туку и во останатите локали се нудат здрави органски производи и традиционална малешевска храна. Исто така, привлечни се разните организирани прошетки низ пехчевскиот предел, како искачување до пехчевските водопади, посета на локалитетот „Равна Река”, организирани џип-тури и многу други активности кои се се поатрактивни за туристите, додаваат од „Гогов”.

Слична е состојбата и во Берово и Делчево. И таму според информациите на угостителите аранжманите со ноќевања се резервирани од гости од Бугарија, а во последно време овде доаѓаат и туристи од Грција кои често можат да се забележат и за време на викендите.

Поврзани вести

МЗ: 54 нови случаи на заболени од коронавирус, вкупно 908

Влатко Зорба

Средба Заев-Чакрабати: ЕБРД со посилно темпо ќе го поддржува развојот на Западен Балкан

Влатко Зорба

ГАЛЕРИЈА: Како изгледа Скопје по стапувањето на сила на полицискиот час

Влатко Зорба

Буџаку: Во Дебар продавниците се полни цените не се накачани, ова е пример кој треба да се следи

Заев: Освен безбедноста и стабилноста, членството во Алијансата носи и повеќе пари за граѓаните

Пет лица починаа, регистрирани 175 нови случаи на ковид-19

Берта Китинска