МАКЕДОНИЈА Политика

Претседателите Пендаровски и Пахор на прошетка низ Стариот дел на Охрид

Вториот ден од официјалната посета на словенечкиот претседател Борут Пахор на С.Македонија е резервиран за посета на Охрид, каде што заедно со неговиот домаќин претседателот Стево Пендаровски се во обиколка на неколку позначајни кулутурно-историски споменици во градот.

Пендаровски и Пахор прошетката низ Стариот дел на Охрид ја почнаа со посета на црквата „Света Богоридица Перивлепта“ и Галеријата на икони. Обиколката на Охрид заврши со посета на катедралната црква „Света Софија“.

Високиот гостин од Словенија заедно со претседателот Пендаровски после прошетката се упатија кон Кампот за обука на вода на Армијата на Северна Република Македонија, каде ќе присустуваат на показна вежба на припадниците на специјалните сили на Армијата.

На вежбата ќе бидат демонстрирани постапки што се применуваат во ситуација на заложничка криза на пловен објект. Во акцијата во која ќе бидат ангажирани и летала од воздухопловната единица на Армијата ќе биде презентирана и физичката подготвеност и вештините на припадниците на елитната армиска единица.

Охрид веќе втор ден е во посебен сообраќаен режим, спроведени се темелни активности за физичко и сообраќајно обезбедување на улиците каде ќе минува делегацијата со словеченкиот претседател. Главните сообраќајници низ градот што се резервирани за протоколот од синоќа се целосно испразнети, а паркираните автомобили отстранети од коловозите.

На првиот ден од официјалната посета вчера во Скопје претседателот Борут Пахор беше пречекан со највисоки државни и воени почести од страна на претседателот Стево Пендаровски, по што двајцата претседатели одржаа тет-а-тет средба, заедничка прес-конференција и положија венци на гробот на Гоце Делчев во црквата Свети Спас. Словенечкиот претседател се обрати на седница во Собранието на Република Северна Македонија, а оствари и средби со претседателите на Собранието и на Владата, Талат Џафери и Зоран Заев.

Поврзани вести

СДСМ: Што финансирале фирми на Камчев, осомничен во неколку предмети на СЈО?

Влатко Зорба

ГАЛЕРИЈА: Дендиас на средба со Димитров

Заев пак ќе биде носител на листа во 4 ИЕ, Мицкоски се уште не решил дали ќе се кандидира за пратеник

Никола Поповски

Јовановски повторно ќе дава исказ во обвинителството

ВМРО-ДПМНЕ: Стотици штедачи се оставени без своите пари поради СДСМ

Никола Поповски

Американска амбасада порача дека пресудата за Панчевски е позитивен чекор напред