МАКЕДОНИЈА Политика

Шекеринска: Очекуваме следната недела во Шпанија да почне ратификацијата на Протоколот

Очекуваме веќе следната недела во Шпанија формално да почне процесот на ратификација на Протоколот за членство на Северна Македонија во НАТО, бидејќи откако беше завршен изборот на шпанската Влада, се отворија вратите овој процес да започне и се надеваме да заврши за неколку недели, изјави денеска министерката за одбрана Радмила Шекеринска.

Одговарајќи на новинарско прашање околу тоа дали се очекува скоро ратификација на Протоколот за членство на земјава во НАТО од страна на Шпанија, Шекеринска нагласи дека процесите на ратификација во оваа држава не се брзи, изразувајќи очекување за силна поддршка од страна на шпанските институции.

– Ако ги погледнете економските показатели во текот на изминатите година, година и половина, ќе видите дека освен огромниот пораст на странски директни инвестиции и пораст на број на вработени, дека и нашата берза покажува колку членството во НАТО дава замаец во економијата. Сакаме ова да продолжи. Кога ги видовме оваа година и бројките на зголемување на туристи во државата, заедно со овие движења на берзата, видовме дека навистина нашата политичка инвестиција носи и економски бенефит, истакна Шекеринска, која денеска присуствуваше на централната манифестација за големиот христијански празник Богојавление – Водици во центарот на Скопје.

Поврзани вести

Преземените мерки ќе го обезглават „пикот“ на заболени, вели Докиќ

Влатко Зорба

Костадинов: Поднесени 300 кривични пријави против кадри на ВМРО-ДПМНЕ на локално ниво

Дендиас: Ќе разговарам со Заев и Димитров да ме известат каква е состојбата

Новинарките Јордановска и Коровешовска го пријавија Јакимовски во МВР

Зекири: СДСМ сака да се постигне договор, ајде да одиме на избори

Лажен полицаец измамил жена за 122 000 денари