МАКЕДОНИЈА Скопје

Шилегов: Кампања за бесплатно собирање на остатоците од бербата, за да се спречи палењето на стрништа

Градот Скопје ја продолжува кампањата за бесплатно собирање на остатоците од берба за да се спречи палењето на стрништата, а со тоа да се заштити воздухот од загадување.

Заинтересираните граѓани може да се јават на телефонскиот број 071 395 395 и да договорат бесплатно подигање на органскиот отпад. Оваа кампања годинава го опфаќа целиот Скопскиот плански регион.

Викендов, кампањата за бесплатно собирање на остатоците од бербата, за да се спречи палењето на стрништа беше проммовирана во општина Сарај. Градоначалникот Шилегов и градоначалникот на општина Сарај, Блерим Беџети ги повикаа земјоделците од општина Сарај да ја искористат оваа поволност и да побараат бесплатно подигање на остатоците од бербата.

– Станува збор за земјоделски дел од градот и сакаме да им помогнеме на скопските земјоделци да ја загубат навиката за палење на стрништето, но и да добијат ѓубриво како субвенција за предадените остатоци од бербата – рече градоначалникот Петре Шилегов.

Градоначалникот Беџети упати апел да не се палат стрништата на подрачјето на општината, со цел да се придонесе во борбата против аерозагадувањето.

Градот Скопје е прва единица на локална самоуправа која спроведува кампања за елиминирање на палењето на нивите и стрништата, за да се намали загаденоста на воздухот, да се зачува плодноста на почвата, но и да се спречи ширењето на евентуални пожари кои неретко предизвикуваат материјални штети, а понекогаш загрозуваат и човечки животи.

Поврзани вести

Јовева: Новата методологија е конкретен чекор кон едно „да“ за Македонија

Viktor Jovanov

Мицкоски: Избори кон крајот на август или почеток на септември

Надминат проблемот со платите во културата

Влатко Зорба

ЈСП Скопје ќе добие 135 милиони денари за справување со ковид кризата

Влатко Зорба

Активни се 1880 случаи на Ковид-19 во Скопје: Кои општини имаат најмногу заразени?

Никос Дендиас утре во официјална посета во Скопје

Влатко Зорба