Скопје

ФОТО: Финишира изградбата на адреналинскиот парк во Карпош покрај кејот на Вардар

Во финална фаза е изведбата на детското игралиште, како и спортските терени за фудбал и одбојка на песок, кои се изведуваат во рамки на Спортско – адреналинскиот парк во Карпош, долж Кејот на Вардар, кај Алпинистичката карпа.

Следува и поставување на реквизитите во адреналинскиот дел и скејт паркот, по што оваа спортско – рекреативна зона постепено ќе го добива завршниот лик. Со целосното поставување на реквизитите, ќе се пристапи кон раззеленување на Спортско – адреналинскиот парк. Предвидено е засадување на повеќе од 120 нови, висококвалитетни дрвја, како и тревни површини со системи за наводнување, соопштија од општина Карпош.

Градоначалникот на Општина Карпош, Стефан Богоев изврши теренски увид на активностите за паркот. Веќе се поставени и новите лед светилки, а се работи и на инсталации за поставување на урбана опрема (клупи за седење и корпи за отпадоци).

Општина Карпош за овој парк, преку Секторот за развој, аплицираше со проект во рамки на Проектот за локална и регионална конкурентност (ПЛРК), при што доби грант во висина од 38.100.000 денари. Оваа финансиска поддршка ја обезбеди Европската Унија и Владата на Република С. Македонија.

Поврзани вести

„Комунална хигиена“ со нова услуга – на повик го собира кабастиот отпад од вашиот дом

МВР постапува по дивоградбата кај ТЦ Мавровка, известено и ЈО

Аеродром, Гази Баба и Центар имаат најголем број активни носители на Ковид 19

Берта Китинска

Богдановиќ подели 200 топли оброци за Рамазан Бајрам

Новите автобуси на гас од денеска ќе сообраќајат низ улиците на Скопје (ФОТО)

Пајак отстранил 303 возила од јавните површини

Влатко Зорба