МАКЕДОНИЈА

Со летот од Венеција вратени 152 македонски граѓани, ќе бидат упатени во задолжителен карантин

Со организираниот лет за репатријација на македонските граѓани затекнати во Италија, денеска се вратени 152 македонски државјани.

Како што информираат од Министерството за надворешни работи, од пријаветите 180 лица кои го потврдиле враќањето, 152 лица пристигнале на аеродромот во Венеција и се качиле на летот кон Скопје.

По пристигнувањето во земјата, тие ќе бидат упатени во задолжителен државен карантин во времетраење од три седмици, согласно одлуката на Владата, а во организација на генералниот секретаријат на Владата, МВР и Министерството за здравство.

На летот кон Италија во координација со италијанската Амбасада во земјата, беше организирана репатријација и на 32 странски државјани кои беа затекнати во Скопје, посочуваат од МНР.

МНР со благодарност и до сите инволвирани во процесот на репатријација, на колегите од Кризниот тим при ова Министерство и колегите од сите наши дипломатско-конзуларните претставништва за посветеноста во овие исклучително отежнати услови за работа.

Според статистиката на МНР, заклучно до 10 април во земјата организирано со 11 летови и четири хуманитарни конвои во земјава се вратени 2.704 наши државјани затекнати во странство, а репатрирани беа и над 700 странски државјани.

Поврзани вести

Спасовски-Герберих: Продолжува поддршката од Германија на патот на земјата во ЕУ

АА: Застапеноста и дениграцијата на Албанците во државните институции продолжува

Влатко Зорба

Филипче: Наставата ќе биде онлајн, учениците од прво до трето одделение ќе имаат право на избор за настава од дома

Никола Поповски

Повикани во полициска станица администраторот и креаторот на „Јавна соба“

Stefanija Kuzmanovska

Брнз изрази задоволство од учеството на граѓаните во изборниот процес (ФОТО)

Берта Китинска

Чантата „Луј Витон” (не) била вратена кај Камчев