МАКЕДОНИЈА

Советот на ЈО го осуди поставувањето експлозив во возило на јавен обвинител

Советот на јавни обвинители денеска соопшти дека најостро го осудува поставувањето експлозивна направа во возило на јавен обвинител од Кичево. Оттаму изразуваат силна подршка на јавниот обвинител врз кој е спроведен овој чин на насилство, и на сите јавни обвинители во бескомпромисната борба против криминалот.

– Овој чин претставува акт на насилство и закана не само врз јавниот обвинител и членовите на нејзиното семејство, туку е и акт насочен против сигурноста на сите јавни обвинители и функционирањето на целата јавнообвинителска институција и правосудството во целина, истакнаа од Советот.

Оттаму очекуваат дека надлежните државни органи наскоро ќе ги откријат сторителите на овој чин на насилство и нивните мотиви.

– Начелата на законитост и објективно вршење на функцијата јавен обвинител се начела утврдени со уставот и законите, кон нив, сите јавни обвинители мора доследно да се придржуваат при извршувањето на својата функција, и било каков акт на насилство и закана спрема нив лично или институцијата во целина нема да ги поколеба да отстапат од овие начела при спроведувањето на кривичното гонење, наведуваат од Советот.

Поврзани вести

Почувствуван земјотрес Охрид, Струга, Битола Ресен, епицентарот во Албанија

Влатко Зорба

Независна пратеничка група: Мицкоски со една изјава избравте да ги омаловажите оние кои Ве донесоа на позицијата

Берта Китинска

Со финансиска поддршка од ЕУ и хрватски искуства ќе се зајакнуваат меѓународните воздухопловни стандарди во државава

„Рекет“: Боки 13 докажува дека голем дел од запленетата гардероба е купена пред 2019-та

Влатко Зорба

Делегација предводена од премиерот на маса со лидерите на земјите – членки на НАТО

Фајон: Франција ја донесе одлуката за недоделување датум за преговори со С. Македонија и Албанија, не ЕУ