МАКЕДОНИЈА

Спасовски оствари средба со градоначалникот на Боговиње и со претставници од селата Синичане и Урвич

Претседателот на Владата на Република Северна Македонија, Оливер Спасовски, придружуван од министрите за внатрешни работи, Агим Нухиу, за земјоделство, шумарство и водостопанство, Трајан Димковски и за животна средина, Насер Нуредини, попладнево се сретна со градоначалникот на општината Боговиње, Албон Џемаили и со претставници на месните заедници на селата Синичане и Урвич.
На состанокот е изразена заедничка согласност и определба за изнаоѓање ефикасни правни механизми за надминување на актуелната ситуација со водоснабдувањето на селото Синичане и за поддршка од Владата за трајно решавање на прашањето со водоснабдувањето во општината.
Констатирано е дека постигнатото разбирање меѓу претставниците на локалната самоуправа на Боговиње и на селата Синичане и Урвич отвора можност за решение кое што ќе биде во интерес на сите страни.
„Право на пристап до вода има секој жител и со тоа нема водење политика. Владата е определена да најде решение и за актуелниот проблем со пристапноста до питка вода на жителите од село Синичане и за изнаоѓање трајно решение за снабдувањето со вода на селата во општината Боговиње. Ќе ги разгледаме правните и законски можности за ефикасно дејствување и во отворен дијалог со засегнатите жители, каков што е денешниот состанок“, рече премиерот Спасовски.

Поврзани вести

Мицкоски: Се обврзуваме на 25% поголема просечна плата во еден мандат и 20% поголеми пензии

Укинувањето на полицискиот час ќе зависи од растот на новозаболени од коронавирусот, вели Филипче

На скопскиот и охридскиот аеродром ќе се пополнува прашалник за коронавирус

Берта Китинска

Царовска: Новото ниво на минимална пензија ќе изнесува 10.700 денари

Нема бонуси за членовите на ДИК за изборите

Тасевски: Македонија има една партија од албанскиот блок која владее од 2001 година и која што никој не може да ја смени