МАКЕДОНИЈА

Спасовски – Пленковиќ: С. Македонија останува посветена на партнерството со Хрватска и со ЕУ

Претседателот на Владата на Република Северна Македонија Оливер Спасовски денеска имаше телефонски разговор со хрватскиот премиер Андреј Пленковиќ, кој овие денови  разговара со сите учесници на Самитот на ЕУ за Западен Балкан во Загреб, што требаше да се одржи на 7-ми мај, соопшти владината прес-служба.

Премиерите Спасовски и Пленковиќ разговараа за ситуацијата во двете држави во врска со справувањето со пандемијата на вирусот КОВИД-19. Беа разменети информации и искуства за справувањето со здравствената криза и со економските последици од неа. Двајцата премиери искажаа подготвеност за меѓусебна поддршка за спроведување на досегашните мерки и потенцираа дека само со заеднички напори, меѓусебна помош и европска солидарност на дело може да надминат актуелните предизвици.

Спасовски во телефонскиот разговор истакна дека апсолутно е за поддршка на пораката дека Самитот во Загреб ќе се одржи до крајот на хрватското претседателство како силна порака дека Западен Балкан останува приоритет за ЕУ, и покрај тешките денови за регионот, за Европа и за светот заради справувањето со коронавирусот, и дека со оптимизам се очекуваат најавите за план за економски развој и заедничко надминување на последиците од пандемијата.

Во разговорот со хрватскиот премиер, Спасовски се заблагодари за долгогодишната поддршка од Хрватска и нагласи дека Северна Македонија останува посветена на регионалната соработка и ќе биде силен партнер на Хрватска, како претседавач на Советот на ЕУ, во справувањето со пандемијата и во сите други заеднички предизвици, како и во плановите за развој и соработка, се вели во соопштението од владината прес-служба.

Поврзани вести

Уапсен дилер на марихуана во Радишани

Сопственикот на „PlayZone“: Известувањето беше во сила се до последните мерки на Владата

Влатко Зорба

Сведок на „Ласкарци“: Не приметив никакво кочење на автобусот или нешто да прави возачот за да го врати автобусот на патот

Maja_Serafimova

Случајот „Фризерница“ стигна и до Европската Комисија: Отворена е истрага

Никола Поповски

Грчева: Ова што го прави Бугарија е врвен безобразлук и нецивилизирано однесување

Никола Поповски

Васев: Главен сојузник на Христијан Мицкоски и коалициски парнтнер е Стевчо Јакимовски

Влатко Зорба