МАКЕДОНИЈА

Стаменковска – Стојковски побара неотповиклива оставка од директорката на Централен регистар

Дополнителниот заменик-министер за информатичко општество и  администрација Невенка Стаменковска – Стојковски денека побара неотповиклива оставка од директорката на Централен регистар Марија Бошковска – Јанковски поради, како што рече, непочитување на законите и вработување спротивно на закон.

Стаменковска – Стојковски тврди дека во Централен регистар незаконски се вработувале, како што рече, партиски послушници на сметка на професионалци и стручни кадри.

– Централниот регистар и директорката иако во целост го имаат усогласено Законот за Централен регистар и Правилникот за системазиција на работните места согласно Законот за административни службеници, согласно Законот за вработени во јавниот сектор, поднесуваат Годишен план за вработување, но не ја водат постапката согласно Законот за административни службеници. И непречено од надлежните инспекциски органи вработуваат како да се приватна компанија и партиска канцеларија, колку сакаат и како сакаат, изјави Стаменковска – Стојковски.

Државниот управен инспекторат, како што рече, иако е должен да спречи и да ги поништи ваквите незаконски огласи досега ја толерира оваа институција и функционерот кој раководи со неа.

Според Стаменковска – Стојкоски, годишниот план бил донесен незаконски, а незаконски бил објавен јавен оглас за вработување и вработување надвор од планираните во Годишниот план за вработување.

Освен прекршочна постапка, како што рече, постојат сериозни индиции за кривична одговорност и поради тоа со претставка ќе ги извести Државниот управен инспекторат, Државниот инспекторат за труд, Државната комисија за спречување на корупцијата и Јавното обвинителство.

Поврзани вести

Тушева сподели видео од опожарениот автомобил: Волкот влакно менува, нарав никогаш

Христина Николовска

Д-р Балевски: Здравствените работници лавовски се борат против Ковид 19

Берта Китинска

Заев е домаќин на трилатералната работна средба на лидерите од Западен Балкан во Охрид

Влатко Зорба

МЗШВ: Објавен јавниот повик за техничка поддршка за организирање и спроведување локални манифестации и саеми

Stefanija Kuzmanovska

Манчевски: Системот за електронски здравствени картички не функционира и ќе се укинува

Уште 14 дена самоизолација за граѓаните по државниот карантин

Влатко Зорба