МАКЕДОНИЈА Политика

Заев: ОН се симбол за глобалниот мир и безбедност, продолжуваме да соработуваме

Годинава, Организацијата на обединетите нации одбележува значаен јубилеј – 75 години од основањето. Формирана во 1945 година во свет на урнатини, ОН денес се симбол за глобалниот мир и безбедност, напиша денеска премиерот Зоран Заев на својот фејсбук-профил.

– И покрај множеството предизвици, ОН го наметнаа принципот на дијалог и почитување при превенирањето и решавањето на предизвиците и низ начелата на соработка и солидарност, покренуваат иницијативи за надминување на горливите светски проблеми, пишува Заев.

Додава дека денес, кога се соочуваме со пандемијата од КОВИД-19, најголемата закана по Втората светска војна, ОН преку Светската здравствена организација повторно има централна улога координирајќи ги меѓународните активности за заштита.

– Во насока на поддршка и поттикнување на универзалните човечки вредности, Владата на Република Северна Македонија ја реафирмираше својата посветеност кон реализација на Агендата 2030 на Организацијата на обединетите нации, која обезбедува универзална рамка за зајакнување на колективната акција кон заедничките цели и предизвици за заеднички просперитет. Продолжуваме заедно да ја обликуваме нашата иднина и да соработуваме со ОН на остварување на милениумските цели за одржлив развој, вели Заев.

Поврзани вести

Поповски: „Факти“ поврзани со Форбс се изработени за конзорциум на фирми и НВОа чиј газда е олигарх од Молдавија

Куманово ги зајакнува мерките за справување со коронавирусот

Филипче: Епидемиолошката состојба е стабилна, нема потреба од рестрикции

Маркоски: За мене е многу добро што имаме многу случаи без симптоми

СДСМ: Мицкоски не може да ја оствари единствената задача која му е дадена од Будимпешта – да ги спаси криминалците во сопствените редови

Влатко Зорба

Едни донираат, други профитираат: Маските за заштита станаа повеќе од потребни

Берта Китинска