МАКЕДОНИЈА

Засилени инспекциските надзори на ДИЖС

Вкупно 1.969 надзори на инсталации има извршено Државниот инспекторат за животна средина (ДИЖС) до 31 октомври годинава, кои подложат на А-ИСКЗ дозволи и елаборати за животна средина и исто толку записници за констатација.

Во инспекциската постапка се издадени 215 решенија со соодветни законски мерки (наредува/забранува), 45 прекршочни и шест кривични пријави и еден прекршок од трета категорија.

Според Министерството за животна средина и просторно планирање, по одржаниот координативен состанок за засилување на инспекцискиот надзор од испекциските служби на државно и на локално ниво, ДИЖС има извршено вонредни инспекциски надзори на 4, 5 и 6 ноември, во 20 инсталации чие инспекторирање е во негова надлежност.

Покрај редовните, вонредни инспекторирања се вршат паралено на територија на целата држава и направени се на Депонијата „Дрисла“, Цементарница „Усје – Титан“, „Пејпер Мил Кочани“, „Тетекс“, Тетово, „Вардар Доломит“, Гостивар, „Теал Тетово“; „Тетекс Јарн“ од Тетово; „Блу текнологи“ Тетово; „ДС -СМИТ“, Скопје, „Викторија Инвест“, асфалтна база во Ново Село Дебрца, ГП „Гранит“ асфалтна база Битола,  „Оранжерии Хамзали“ село Хамзали Босилово, „Техно Павер Превалец“, Велес, „Тулана“, Гостивар, „Горни Полог“ од Гостивар; „Макстил“ Скопје, ДТУ „Агромаркет Игор“ , Владиевци општина Василево и Живинарска фарма „Ветеринар“ Гевелија, соопштува МЖСПП.

Во дел од инсталциите, како што се наведува во соопштението, мерењата се во рамки на дозволените граници, дел се задолжени да вршат вонредни мерења покрај редовните од дозволите, дел каде претходно имаат издадено решенија за забрана на работа констатирано е дека се почитуваат, а дел воопшто не работат.

Поврзани вести

Избоден со нож при тепачка во Битола

Адеми: Ќе бидеме подготвени за какво било сценарио, но посакуваме од 1 септември враќање во училишните клупи

Филипче: На почетокот на следната недека ќе донесеме одлука за целосно отворање на границите без тестови и изолација

Спасовски: Се бара одржливо решение за пасошите

Stefanija Kuzmanovska

Демократскиот сојуз: Закон за јавно обвинителство без корумпирани и амнестирани

Stefanija Kuzmanovska

Дерковски: Избирачкиот список е добар, недоследностите се сведени во разумна рамка

Александар Тодески