МАКЕДОНИЈА

ЗНМ и ССНМ ја осудуваат непримерната комуникација на „Аџибадем Систина“ кон новинарите од ИРЛ

Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) ја осудуваат непримерната комуникација на „Аџибадем Систина“ кон новинарите од редакцијата на истражувачката новинарска платформа „ИРЛ.мк“ по повод нивната сторија за КОВИД-19 насловена како „Пандемско профитерство или грижа за заедницата: Другата страна на приказната за КОВИД-19 тестовите“, објавена на 28 март 2020 година.

„Како засегната страна во текстот, „Аџибадем Систина“ испратила реакција до редакцијата на ИРЛ што е нивно легитимно право, но сепак, проблематично во нивното барање е што на дрзок начин ги клеветат и навредуваат новинарите кои работеле на таа истражувачка сторија, а притоа без доволно аргументи во својата реакција бараат извинување, како и текстот на „ИРЛ.мк“ да биде повлечен.

ЗНМ и ССНМ се на ставот дека овој пристап на „Аџибадем Систина“ е недопустлив. Со таквиот начин на комуникација кон овој медиум тие директно навлегуваат во кредибилитетот на новинарите и се обидуваат истите да ги дискредитираат, а не да ја аргументираат критиката упатена кон нив.

Освен тоа, ваквата комуникација на „Аџибадем Систина“ несомнено може да се толкува како притисок врз редакцијата на „ИРЛ.мк“ и претставува директен обид за цензура што е апсолутно недозволиво во едно демократско општество, особено за теми кои се од поширок јавен интерес.

Укажуваме на „Аџибадем Систина“ дека во иднина кога сметаат дека некој медиум известувал неетички, наместо да даваат квалификации и да навредуваат новинари и кон истите да се закануваат со тужби, можат да поднесат претставка до Советот за етика во медиумите на Македонија (СЕММ) или во Советот на честа при ЗНМ како две единствени саморегулаторни тела во С. Македонија“, се вели во соопштението.

Поврзани вести

Спасовски: Голем ден за правдата во нашата држава, стапи на сила Законот за ЈО

На комисијата за труд и социјала ВМРО ДПМЕ беа против дебата за обештетување на стечајците и против раст на минималната плата

Влатко Зорба

Заев за Вечерњи лист: Граѓаните на Северна Македонија не сакаат враќање во неизвесност, нови поделби или враќање на криминалниот режим

Изработен прирачник „Купувам домашно“ со објаснување што сè спаѓа во домашни производи

Влатко Зорба

Патувачката училница „Живот на социјалните мрежи“ во Градскиот парк

Влатко Зорба

Шекеринска: НАТО донесе Оперативен план за координирана акција во справување со пандемијата