Авто/мото

Мик Шумахер: Фетел за мене е она што татко ми беше за него

Младиот талент Мик Шумахер гледа сличности во неговите односи со Себастијан Фетел и оние на неговиот татко со актуелниот возач на Ферари. Мик Шумахер е на добар пат да ја заврши својата прва сезона во Формула 2, а главниот акцент на сезоната беше победата во Унгарија и тестот за Формула 1 тимот на Ферари во Бахреин.

„Јас пораснав со екипата на Ферари и секогаш возев за италијански тимови со еден исклучок. Дури и за време на моите картинг години, работев со италијански тимови. Само во 2015 година возев со германски тим во Формула 4. Сега се вратив со италијанскиот тим Према. Страста што ја имаат Италијанците во мотоспортот е огромна“, рече Мик во интервју за „Мотоспор-магазин“.

Дваесет годишниот пилот ги следи стапките на татко му, а поддршка не му недостасува. Младиот човек го посочува четирикратниот шампион Себастијан Фетел како еден од неговите ментори.

„Имам огромна почит кон Себастијан. Ние зборуваме многу за трките со него. Јас се обидувам да земам совети од него и да ги искористам. Тој е во спортот подолго од мене, така што секој разговор што го имаме помага. Мислам дека татко ми беше за Себастијан, тоа што е он сега за мене“, вели Шумахер.

Сезоната во Формула 2 за Мик не беше особено лесна, но тоа го прави посилен, тврди Германецот.

„Тешките времиња нè прават посилни. Ако можеме да ги свртиме работите во позитивна насока, тоа ќе нè научи повеќе работи отколку ако сè одело добро од почеток до крај. Ако во одреден момент се придружиш во Формула 1 и одеднаш дознаеш, дека сè не е во ред, тогаш тензијата е огромна. Постојат ситуации кои можат тотално да скршат пилот. Меѓутоа, ако помине низ тешки времиња, подобро ќе се справи со ситуацијата“, додава младиот пилот.

Поврзани вести

Хамилтон сака да остане во Мерцедес

Фетел: Никој не знае до кој степен може да се контролира ситуацијата со коронавирусот

Ботас се уште верува дека има шанса за титулата

Влатко Зорба

Бергер: Само Хамилтон е на ниво на Сена

Влатко Зорба

Помладиот брат на Леклер во Ферари

Ниту еден нов Volvo не може да се движи побрзо од 180 км на час, а еве и зошто

Stefanija Kuzmanovska