Други спортови

Французите воведоа полициски час, како тоа ќе влијае на „Мастерсот“ во Париз?

Австралискиот тенисер Ник Кирјос нема да игра на Мастерсот во Париз, а прашање е уште колку топ тенисери ќе се појават во француската престолнина поради мерките во борбата против коронавирусот.

Француските власти ја воведоа мерката полициски час по девет вечерта во Париз и неколку поголеми градови, така што организаторите ќе треба да го усогласат распоредот со тие мерки.

Освен ако не најдат компромис и не обезбедат некои посебни дозволи, ќе мора да се играат повеќе натпревари на дневна основа.

Споменатиот компромис нема да биде лесен за објавување бидејќи организаторите на турнирот планираат да дозволат влез до илјада навивачи, па затоа е поверојатно датумите на натпреварите да се променат и програмата да започне порано.

Не е исклучено да се разгледа бројот на навивачи на трибините, сето тоа поради кризата со коронавирусот која го пустоши светот скоро една година.

Иако Рафаел Надал се уште нема кажано 100% и одлучно дека ќе учествува на Мастерсот во Париз, засега тој не ја негираше таа можност, додека Новак Ѓоковиќ најверојатно ќе игра и ќе се обиде да ја зголеми разликата меѓу себе и Надал, како на АТП-листата, така и по број на титули од серијата 1000.

Стефанос Циципас и Саша Зверев, како и Данил Медведев и Доминик Тим, исто така, би можеле да играат во Париз, така што конкуренцијата сè уште може да биде навистина силна, доколку мерките на француската влада не ги променат нивните мислења и планови.

Да потсетиме, Кирјос, кој се откажа, го одигра својот последен натпреварувачки натпревар во февруари од почетокот на сезоната пред два месеци и не учествуваше на ниту еден турнир.

Тој играше во Акапулко во Мексико и се повлече поради повреда на скочниот зглоб. Од тогаш, тој вели дека имал привилегија да биде со своето семејство во Канбера и дека не земал здраво за готово за време на пандемијата.

Мастерсот во Париз се игра на тврда подлога од 31 октомври до 8 ноември.

Поврзани вести

Спречена тепачка меѓу тенисерки (ВИДЕО)

Ѓоковиќ: Бев потресен, не ми беше лесно

Никола Поповски

МекГрегор уапсен за сексуално вознемирување

Влатко Зорба

Кириос одговори дали ќе игра на Гренд-слем турнир без публика

Влатко Зорба

Ѓоковиќ: Понекогаш не јадам и не спијам, чувствувам „торнадо“ во себе

Никола Поповски

Пулев ќе биде предизвикувач на Џошуа или Руиз

Влатко Зорба