Кошарка СПОРТ

Епски натпревар во Бостон, Оклахома подобра од Њу Орлеанс

Синоќа во НБА лигата се одиграа само два натпревари, во пресрет на Ол-стар викендот во Чикаго.

Во главниот град на Масачусетс се одигра одличен натпревар меѓу Селтикс и Клиперс, еден од најдобрите оваа сезона, а триумфот на крајот отиде кај домашната екипа, после две продоженија, со резултат 141:133.

Најефикасен во победничката постава беше Џејсон Тејтум со 39 поени (12/23) и девет скока, Маркус Смарт додаде 31, Хејворд имаше 21, а Кемба Вокер имаше 19 поени, девет скока и седум асистенции.

Гостите ги водеше Лу Вилијамс со 35 поени, Ленард постигна 28, Херел 24 со 13 скокови, додека Пол Џорџ мораше да ја заврши играта во втората четвртина поради повреда на тетива.

Кошаркарите на Orу Орлеанс Пеликанс загубија пред домашната публика против Оклахома – 123: 118.

На франшизата од Луизијана не и помогна ниту одличниот натпревар на Зајон Вилијамсон. Рукито од Универзитетотот Дјук, втор натпревар по ред имаше 30 или повеќе поени, постигнувајќи 32, што е негов нов рекорд во кариерата.

Сепак, тоа не беше доволно за да се совладаат Оклахома Тандерс. Крис Пол ги предводеше нападите, Галинари имаше одлична шутерска вечер и ОКЦ ја забележа 33-та победа.

Пол го заврши натпреварот со 14 поени и 12 асистенции, Галинари постигна 29 со 12/18 од игра, Шрудер постигна 22, а Гилдес-Александар 17 поени.

Оклахома има скор 33/22, а Пеликанс 23/32.

Поврзани вести

Ван Дајк и коментираше резултатите од гласањето за „Златната топка“: Бев многу блиску до трофејот, но Меси беше малку подобар од мене

Maja_Serafimova

Дуото на Лејкерс, Џејмс и Дејвис со нови тетоважи во чест на Коби (фото)

Никола Поповски

Пандев се пофали со специјален подарок од Интер (ФОТО)

Ериксен за 18 милиони евра во Интер

Нејмар ќе избегне санкција за ударот во лице на еден од навивачите

Влатко Зорба

Алкасер на продажба, Борусија Дортмунд бара 40 милиони евра