СПОРТ Фудбал

ФФМ со допис до УЕФА побара одложување на натпреварот со Косово

Фудбалската федерација на Македонија официјално со допис до УЕФА побара одложување на натпреварот со Косово од полуфиналето во плејофот за пласман на Европското првенство, закажан за 26 март на Националната арена „Тодор Проески“ во Скопје.

Во дописот до Европската куќа на фудбалот, покрај проблемот со гледачите (забрана од македонската Влада за присуство на публика), ФФМ го потенцира проблемот со пристигнувањето на фудбалерите од македонската репрезентацијата, односно евентуалната изолација/карантин за одредени фудбалери кои би пристигнале од земјите со висок степен на присуство на коронавирусот.

– Токму поради овие вонредни причини, Фудбалската федерација на Македонија е во постојана и интензивна комуникација и со Министерството за здравство и Институтот за јавно здравје и во целост се придржуваме кон нивните препораки, донесените мерки или забрани.  Исто така, по консултации со претставници на Фудбалските федерации на Грузија и Белорусија, една од двете држави кои беа одредени за домаќини на финалниот натпревар од Лига на нации на 31. март за пласман на ЕУРО 2020, неофицијалните информации велат дека е можно, репрезентацијата која би обезбедила пласман во финалето, да се соочи со одредени мерки на претпазливост за здравствена заштита при влез во една од државите. И во однос на ова, ФФМ, исто така е во постојан контакт со споменатите федерации и УЕФА, соопшти ФФМ.

Согласно последните препораки и забрани од Владата на Македонија за превенција од вирусот COVID-19, Комисијата за младински фудбал донесе одлука сите натпревари во младинските конкуренции и натпреварите од Детските лиги на ФФМ да се суспендираат во наредните две седмици, информираат од федерацијата.

Поврзани вести

Лејкерс: Ја споделуваме нашата тага со Ванеса, семејството Брајант, како и семејствата на другите патници

Никола Поповски

„Живеев со стаорци, немавме што да јадеме, стомакот ми врескаше“: Потресна исповест на светски познат фудбалер

Stefanija Kuzmanovska

Тричковски го постигна 10 гол во кипарското првенство (ВИДЕО)

За прв пат во историјата без Роналдо и Меси: Ова се 3 кандидати за УЕФА играч на годината

Александар Петровски

Клоп за Меси и Роналдо: И двајцата се неверојатни, но…

Stefanija Kuzmanovska

Меси до Кристијано: Опорави се што е можно побрзо

Stefanija Kuzmanovska