Фудбал

Ла Лига бара „Ел Класико“ да се премести од Барселона во Мадрид

Шпанската лига побара од Фудбалската федерација на земјата да го префрли натпреварот од првенство помеѓу Барселона и Реал Мадрид во Мадрид. Овој натпревар, според распоредот треба да се игра во главниот град на Каталонија на „Камп Ноу“.

Според „Фудбал Еспања“, објаснувањето од Ла Лига е „исклучителни околности што не се под наша контрола“. Очигледно, ова се однесува на напната ситуација во Каталонија.

Стравувањата на раководството на лигата се поврзани со неодамнешните настани во регионот, кога голем број водачи на движењето за независност на Каталонија добија затворски казни. Ова го разбуди негодувањето на многу Каталонци. Меѓу навивачите на Барса, многумина се залагаат за независност. Референдумот за независност, особено, го поддржа дефанзивецот на тимот, Џерард Пике. Има протести во регионот.

Натпреварот Барселона – Реал Мадрид треба да се игра на 26 октомври. Доколку се исполни барањето на Лигата, екипите ќе ги „разменуваат“ домаќинствата, па „Ел Класико“ во вториот дел од сезоната би се играл во Барселона.

Поврзани вести

Официјално: Емре Џан во дресот на Борусија Дортмунд

Роналдо тренира без дозвола

Артета: Играчите мора да ја преземат одговорноста за своите постапки на теренот

Пиоли: Би бил многу среќен доколку Пјатек остане

Никола Поповски

Младите прокоцкаа победа против Казахстан (ВИДЕО)

Maja_Serafimova

Која е убавицата заради која Нејмар му заби нож во грб на пријателот?