Фудбал

На Куман му се заканува суспензија од 12 натпревари за коментарите за судењето на „Ел Класико“

Одделот за интегритет на Шпанската фудбалска федерација (РФЕФ) ги проследи коментарите на тренерот на Барселона, Роналд Куман до комитетот за натпреварување.

Ова се коментарите на холандскиот тренер кон ВАР технологијата и нејзината употреба по поразот од Барселона во „Ел Класико“ од Реал со резултат 1:3.

„Се надевам дека еден ден некој ќе ми објасни како работи ВАР во Шпанија. Веќе одигравме пет кола и ниедна одлука не оди во прилог на Барселона, сите тие беа против нас. Не добивме пенал за Меси против Севиља или два прекршоци против Гетафе од кои едниот, според мене, беше за црвен картон, и ова ни се случи денес. Тоа беше моето прашање до судијата на крајот од натпреварот. Зошто тие работат само против нас“, рече Куман.

Најконтроверзната одлука на судијата Хуан Мартинез Мунуера е онаа од 61. минута кога досуди пенал за Серхио Рамос по фаулот на стоперот на Барселона, Ленглет.

Доколку натпреварувачкиот комитет најде докази за отворање на случајот против Куман, тренерот на Барселона може да добие казна од четири до 12 натпревари и парична казна од 3.000 евра.

Тренерот и голманот на Реал Бетис, Мануел Пелегрини и Џоел Роблес и тренерот на Кадиз, Алваро Цервера, имаа слични коментари за судиските одлуки, но тие не беа казнети или дисциплински гонети.

Поврзани вести

УЕФА: Поголема соработка со владите во борбата против местењето натпревари

user5

Поранешен играч на Реал Мадрид го нарачал нападот врз Дарко Ковачевиќ

Солскјер ги демантираше шпекулациите за Погба и Холанд

Никола Поповски

Реал Мадрид нов лидер во Ла Лига

Влатко Зорба

Нов скандал во Барса: Не само што „плукаше“ по Меси и Пике, тука крадел и пари?!

Stefanija Kuzmanovska

Солскјер објасни зошто Бруно Фернандеш е толку вреден