СПОРТ Фудбал

Ракитиќ: Меси е најдобар на сите времиња, но би сакал да заиграм и со Кристијано

Иван Ракитиќ повеќе не е недопирлив во средниот ред на Барселона како што беше случај пред ангажманот на Френки де Јонг од Ајакс. Го напаѓа и возраста, па не е чудо што последните преодни рокови се поврзува со трансфер во Јувентус.

На таа тема, Ракитиќ говореше во интервјуто за американски „Бличер Рипорт“  и уште еднаш ги подгреа гласините за негова можна преселба на Апенините на лето.

„Миралем Пјаниќ, според мене, е еден од најпотценетите фудбалери на светот. Неодамна и Жозе Мурињо говореше за мене во тој контекст, но и Пјаниќ е во таа конкуренција“, истакна меѓу другото Ракитиќ.

Тој веќе неколку сезони игра со Лионел Меси, но сега тврди дека би сакал да заигра и со најголемиот индивидуален ривал на Аргентинецот, Кристијано Роналдо.

„Меси е еден од најдобрите играчи на сите времиња и привилегија е да се биде со него во тим. Но, би сакал да заиграм и со Кристијано Роналдо, кој, исто така, е еден од најголемите имиња во историјата на фудбалската игра. Уживање е да се гледаат неговите настапи. И сами може да видите колку е важен за Јувентус“, рече хрватскиот репрезентативец.

Поврзани вести

Талески: Убаво е чувството кога ќе стартуваме со победа

Никола Поповски

Мареј не успеа да ги задржи солзите по освојувањето на финалето на турнирот во Антверпен

Maja_Serafimova

Проблеми за Гвардиола: Стерлинг го пропушта дуелот со Реал?

Преполовена казната за Фонсека: Португалецот ќе ја води Рома против Милан

user5

Манчини останува на клупата на Азурите до 2022 година

Влатко Зорба

Проблеми за Хрватска, се повреди Циндриќ