Вести СВЕТ

Бар: Твитовите на Трамп ја прават мојата работа невозможна

Американскиот јавен обвинител Вилијам Бар изјави дека претседателот Доналд Трамп го „поткопува“ со твитовитее и го спречува да ја врши својата работа.

Бар го критикува Трамп додека Министерството за правда разгледува случај во кој е вклучен Роџер Стоун, поранешниот осуден претседателски советник, јавува Би-Би-Си.

Јавниот обвинител е обвинет дека попуштил на претседателскиот притисок.

Коментарите на Бар се редок пример за неговото незадоволство од однесувањето на Трамп.

„Мислам дека е време да престане со твитовите за кривичните случаи на Министерството за правда“, рече Бар за ABC News.

„Не можам да ја завршам мојата работа тука во Министерството со постојани коментари во позадина што ме поткопуваат“, додаде тој.

Лидерот на републиканците во Сенатот, Мич Меконел изјави дека претседателот требал да го послуша советот на Бар.

„Ако јавниот обвинител рече дека ова го спречува да ја заврши својата работа, Претседателот треба да го послуша Јавниот обвинител“, рече Републиканскиот сенатор за „Фокс њуз“.

Стоун беше осуден во ноември за попречување на истрагата на Комитетот за разузнавање за руското мешање на изборите во 2016 година. Федералните обвинители првично бараа на Стоун да му се изрече седум до девет години затвор во обидот да спречи истрага.

Претседателот брзо го изрази своето спротивставување на ова во твит, во кој напиша: „Ова е ужасна и многу неправедна ситуација“.

Министерството за правда тогаш ја отфрли препораката од својот тим за гонење, покренувајќи го прашањето дали Бар интервенирала во име на сојузникот на Трамп. Четворица обвинители го напуштија обвинителството.

Поврзани вести

Убиени тројца учители во Кенија

Никола Поповски

Новиот коронавирус откриен е уште пред 7 години, пoтекнува од лилјаците (ВИДЕО)

Која е првата жена претседател на Грција?

Никола Поповски

МААЕ откри збогатен ураниум на непријавена локација во Иран

Влатко Зорба

Гутереш во посета на Турција, Ердоган му го презентира планот за бегалците

Влатко Зорба

Американскиот секретар за внатрешна безбедност поднесе оставка

Влатко Зорба