Регион СВЕТ

Борел: Укинувањето на таксите е важна одлука

Шефот на дипломатијата на Европска Унија, Жозеп Борел синоќа ја поздрави одлуката за целосно укинување на таксите за артикли од Србија и од Босна и Херцеговина, што ја донесе косовската Влада.

– Станува збор за важна одлука. Регионалната соработка е клучна, како и одржување на проток на стока,, посебно во услови на криза со Ковид-19, напиша Борел на Твитер.

Тој повеќе пати апелираше до Приштина да ги укине таксите за производи од Србија, нагласувајќи дека тоа е предуслов за продолжување на дијалогот за нормализација на односите Белград- Приштина.

Косовскиот премиер во оставка Албин Курти синоќа објави дека од полноќ стапува во сила одлуката на Владата за укинување на таксата од 100 отсто на увозот на производи од Србија и Босна и Херцеговина. Тој истакна дека е одлучено да започне спроведувањето мерки на реципроцитет кон Србија, а кои нема да се однесуваат на БиХ.

–  Ова е мерка за спроведување постепен реципроцитет како принцип во односите со Србија. Во трговските односи називите кои се користат во документите треба да бидат во согласност со Уставот на Република Косово и законите кои се во сила (…) За одлуката која ја носиме вечерва се задолжуваат да ја спроведуваат граничната полиција, царините, Агенцијата за храна и ветеринарство, Агенцијата за медидицински производи и опрема, како и другите надлежни институции, изјави Курти.

Тој нагласи дека одлуката, која стапува во сила ноќеска на полноќ, е со важност до 15 јуни, кога ќе се согледаат ефектите на нејзината примена.

Поврзани вести

Канадската провинција Британска Колумбија ја погоди силен земјотрес

Maja_Serafimova

Ефекти на Брегзит: Амстердам е „новиот Лондон“ за компаниите

Никола Поповски

Премиерката на Нов Зеланд најави дека ќе зема помала плата за време на кризата

Stefanija Kuzmanovska

Како светските земји се справуваат со коронавирусот?

Никола Поповски

Албанија се подготвува за 30 илјади Сиријци

Маж починал откако останал заглавен во кутија за донации во САД