СВЕТ

Бунтовниците во Јужен Судан ја одбија владината мировна понуда

Бунтовниците во Јужен Судан денеска ја одбија владината мировна понуда, за ставање крај на шестгодишната војна, во која загинаа 380.000 луѓе.

Претседателот на Јужен Судан, Салва Кир предложи сегашните 32 регионални држави да ги намали на изворни 10, што беше клучно барање на бунтовниците, за во иднина да разговараат за единствена влада.

Но, Кир во тие десет држави ги вклучи и трите „административни подрачја“ – Пибор, Рувенг и Абјеи, што за лидерот на бунтовниците Реик Мачар е неприфатливо.

Кир и Мачар, кои живеат во егзил, се под голем меѓународен притисок да ги надминат недоразбирањата до 22 февруари, што е краен рок за постигнување на договор.

Бројот на држави е спорен бидејќи границите ќе ја определат поделбата на моќ во државата. Кога Јужен Судан во 2011 година прогласи независност од Судан имаше 10 држави, како што е предвидено со Уставот. Но, Кир во 20156 година го зголеми бројот на држави на 28, а потоа на 32, а сега ги намали на 10, плус три подрачја. Од трите најспорно е подрачјето богато со нафта – Рувенг.

Јужен Судан е една од најбогатите земји со нафта.

Поврзани вести

Потврдена автентичноста на снимките каде руски разузнавач му дава пари на српски офицер (ВИДЕО)

Хаос и во Грција поради Флојд: Демонстранти со молотови коктели ја нападнале амбасадата на САД во Атина (видео)

Во Русија половина од заболените од коронавирус без симптоми

Русија: Се очекува регистрација на вакцината пред септември

Дали и колку ќе се промени секојдневниот живот на луѓето кои први ќе ја примат вакцината против коронавирус?

Никола Поповски

Познатиот ТВ новинар Јамагучи ќе плати отштета од 30.000 долари заради силување на новинарката Ито