Вести СВЕТ

Чувари ги пуштиле на слобода најголемите криминалци во Парагвај?

Седумдесет и пет затвореници избегале од затвор во источен Парагвај, во непосредна близина на границата со Бразил, соопштија локалните власти, цитирани од Би-Би-Си.

Има сомнежи дека многу од затворениците биле пуштени од чуварите слободно да минат преку централниот влез на затворот.

Откриен бил и тунел, но властите сметаат дека тој може да им послужил само како покритие за бегството.

Десетици од избеганите затвореници му припаѓале на најголемиот криминален синдикат во Бразил. Овој синдикат од Сао Паоло, што брои приближно 30.000 членови, се занимава со шверц на наркотици и оружје во Бразил, како и во Парагвај, Боливија и Колумбија.

По проверка на целиот затворски комплекс, лоциран во источниот град Педро Хуан Кабалеро, во неделата, полицијата открила дека цело едно крило со членови на бразилската банда е испразнето. Во една од ќелиите се најдени околу 200 вреќи со песок.

Парагвајскиот министер за внатрешни работи Евклид Асеведо изјави дека е јасно дека затворските чувари се замешани во бегството.

-Откривме тунел и сметаме дека бил покритие за ослободувањето на затворениците. Имало соучесници кои работат во затворот, рече Асеведо.

Според него, има информации дека затворениците биле пуштани надвор во помали групи во текот на последните неколку дена и тоа се случувало додека директорот бил на годишен одмор.

Поврзани вести

Главниот германски виролог и советник на Меркел открива како коронавирусот настанал и како ќе исчезне

Александар Петровски

Кои ризични групи ќе бидат предмет на ограничувања при вакцинирањето против коронавирус?

Никола Поповски

Европскиот парламент усвои резолуција со која предупредува на влошеното владеење на правото во Унгарија и Полска

Училиштата во Лерин денеска се затворени поради снегот и лошите временски услови

Александар Петровски

Сандерс со поддршкa за Бајден во биката со Трамп

Влатко Зорба

Бундестагот отфрли барање за прифаќање 5.000 мигранти