Американските технолошки гиганти Гугл и Епл објавија дека работат заедно на напредна платформа за борба против коронавирусот. Нивниот проект, според заедничката изјава, ќе им овозможи на корисниците анонимно да ги следат своите физички контакти преку блутут, за да можат да знаат дали имале контакт со заразено лице.
Решението ќе биде достапно за сите корисници на Android и iOS и секој ќе може да избере дали да ги сподели своите податоци со другите корисници. Слични технологии се користат во азиските земји како Сингапур, но корисниците морале да доставуваат информации за нивните движења и контакти до владите.
На овој начин владите нема да бидат директно вклучени, податоците ќе бидат заштитени и анонимни, а апликацијата нема да ја следи локацијата на корисниците, туку само контактите. Следењето контакти на заразеното лице е еден од клучните чекори за повторно отворање на државите, но не постои соодветна технологија за да се овозможи ова без проблеми со приватноста на податоците.
Како што беше најавено, системот ќе работи со тоа што ќе овозможи секој корисник да ја вклучи или исклучи можноста за набљудување. Доколку е вклучен, системот активно ќе памти со кои други корисници сте се нашле во близина, користејќи блутут врска.
Contact tracing can help slow the spread of COVID-19 and can be done without compromising user privacy. We’re working with @sundarpichai & @Google to help health officials harness Bluetooth technology in a way that also respects transparency & consent. https://t.co/94XlbmaGZV
— Tim Cook (@tim_cook) April 10, 2020
Ако на корисникот му е дијагностицирана инфекција, тој / таа ќе може да ги внесе овие информации во апликацијата, по што сите корисници кои биле околу него во последните 14 дена ќе бидат известени за можен физички контакт.
Значи, ако се најдовте до некој кој е заразен, ќе бидете известени. На овој начин ќе знаете навремено дека можеби ќе треба тестирање или самоизолација. Компаниите тврдат дека презеле бројни чекори за заштита на приватноста на корисниците.
Оваа соработка помеѓу Гугл и Епл никогаш досега не била видена. Во последните 10 години компаниите жестоко се натпреваруваат за доминација на пазарот на мобилни оперативни системи, со повремена и ограничена соработка во одредени области, пренесува Телеграм.
Според нив, апликацијата ќе биде готова во мај за преземање од двата оперативни системи, додека идните верзии ќе овозможат употреба и без посебна апликација.