Регион СВЕТ

Фон дер Лајен: Помош од 15 милиони евра за Албанија

Претседателката на Европската Комисија, Урсула фон дер Лајен соопшти дека Европската Комисија одлучила да даде 15 милиони евра за Албанија за санирање на штетите од разорниот земјотрес што ја погоди земјата на 26 ноември.

Како што јави тиранската телевизја Топ чанел, таа додала дека Европската Унија се солидаризирала со ситуацијата не само со зборови туку и со конкретна финансиска помош. Претходно во Албанија пристигнаа специјализирани екипи за пронаоѓање и спасување, а сега има и екипи на терен за проценка на штетите.

-Уште веднаш по земјотресот имав телефоснки разговор со премиерот Еди Рама и реков дека ЕУ е целосно солидаризирана со Албанија со активности, а не само со обични зборови. Веќе сме на терен, а сега нудиме нешто повеќе. Досега, Комисијата помогна во мобилизирање на три тимови за пребарување со повеќе од 200 обучени лица, од Италија, Грција и Романија. Ние ќе дадеме 15 милиони евра од Фондот за политика на добрососедство и договоривме да организираме донаторска конференција за Албанија, рекла Лајен.

Најавила дека еврокомесарот Ленарчиќ ќе отпатува за Албанија каде од блиску ќе ја разгледа ситуацијата и ќе создаде поцелосна слика за состојбата на погодените објекти, како и проценка на видот на помошта што е потребна за реконструкција.

Најавила дека во четвртокот се очекува новиот европски комесар за справување со кризи, Јанез Ленарчич, да ја посети Тирана каде треба од блску да добе јасна слика за состојбата и да зборува за плановите за обнова.

Поврзани вести

Дете потонало на дно од базенот, го забележале дури по неколку минути (ВИДЕО)

Конте го обвини раководството на една болница во северна Италија за ширење на коронавирусот во земјата

Директорот на црногорската полиција: Поединци и групи планираат немири на денот на изборите

Никола Поповски

Францускиот премиер Едуар Филип поднесе оставка

Stefanija Kuzmanovska

Неколку европски земји нема да екстрадираат граѓани во Велика Британија, меѓу нив и балканска држава

Никола Поповски

Помпео: САД не и даде зелено светло на Турција за акција во Сирија

user4