Регион СВЕТ

Каракачанов: Бугарската погранична полиција реагираше и спречи околу 60 мигранти да ја преминат турската граница

Утрово бугарската погранична полиција реагираше и спречи две групи, од по околу 30 мигранти да ја преминат турската граница, изјави бугарскиот министер за одбрана Красимир Каракачанов.

– Изразувам категорична решителност во однос на тоа дека армијата треба целосно да соработува и да ги преземе сите неопходни мерки за заштита на државната граница, притоа да не се дозволи ниту еден илегален имигрант на територијата на Бугарија. За таа цел, бугарската војска е подготвена да се вклучи со 1000 луѓе и до 140 парчиња опрема, истакна министерот.

Претходно денеска, бугарскиот премиер Бојко Борисов соопшти дека утрово жандармеријата е распоредена по должината на границата со Турција и поморските граници. Подоцна денеска, Борисов телефонски ќе разговара со турскиот претседател Реџеп Тајип Ердоган.

Според Борисов е изненадувачки тоа што турските граничари се повлекле од своите работни места. Тој побара бугарската погранична полиција да контактира со своите колеги од Турција.

– Во моментов постои реална закана со оглед на настаните што се случуваат таму. Кога се борат со ракети, луѓето бегаат, се разбира. Но, истовремено, кога наметнуваме вакви тешки процедури за влез и излез од државата поради коронавирусот, замислете стотици илјади мигранти да почнат да влегуваат во земјата. Не можеме да го дозволиме тоа, категоричен е Борисов.

Турските медиуми претходно соопштија дека стотици мигранти во Турција се упатиле кон пограничните региони со Европа, по неофицијалните извештаи дека турските власти „ги отвориле вратите“.

До ваков развој на ситуацијата се дојде откако 33 турски војници вчера беа убиени во северозападната сириска провинција Идлиб во воздушен напад, за кој Анкара го обвини Дамаск.

Поврзани вести

Италијанските сенатори изгласаа укинување на имунитетот на ултра десничарскиот лидер Матео Салвини

Како дете ја преживеал шпанската треска, а сега на 106 години го победи коронавирусот

Затворање на ноќните клубови во Јужна Кореја

Stefanija Kuzmanovska

Владата на Србија воведе привремена забрана за влез на странски државјани од земји жаришта на Ковид-19

Азербејџан и Еремија одат на разговори кај Путин: Се ближи ли крајот на повеќедеценискиот спор?

Никола Поповски

Трамп доби мост и езеро во Косово (фото)

Никола Поповски