Вести СВЕТ

Кои земји имаат најригорозни мерки во борбата со коронавирусот?

Според истражувањата на научниците од Универзитетот Оксфорд, Хрватска, Србија и Словенија имаат најстроги мерки за заштита од пандемијата на вирусот Ковид-19 во светот.

Максимални 100 бодови на ранг-листата за строги мерки, според Оксфорд имаат Хрватска, Србија, Словенија, Индија, Пакистан, Сирија, Виетнам, Шри Ланка, Тунис, Уганда, Јужноафриканска Републија, Боцвана, Мадагаскар, Хондурас и Костарика.

Најмалку бодови има Кина (42,86), каде пандемијата првично се појави и имаше стотици милиони луѓе под некој вид на карантин, но во меѓувреме епидемијата во Кина наводно се смири и карантинот е укинат, иако таму се очекува втор бран на епидемијата.

Најпозната по своите благи заштитни мерки е Шведска, која до пред една недела беше најопуштена во тој поглед во светот, па заради тоа од вкупно 100 бодови имаше 42.86.

Освен Шведска и Кина,особено благи мерки имаат и Замбија со 47.62 поени, Гватемала со 54.38 поени, Романија 57.14 и Кенија со 59.52 бодови, а релативно благи мерки имаат и Боливија, Алжир, Монголија, Чад, Колумбија, Јапонија, Гана и САД.

Некои земји немаат достапни податоци за заштитните мерки, вклучувајќи и Туркменистан, чиј режим исто така забрани и користење на зборот коронавирус во јавност. Или, пак, Белорусија, чиј претседател Александар Лукашенко ги советуваше граѓаните да пијат вотка за да се борат против болеста и додаде: „тука нема вируси. Не ги гледам“.

Се разбира, за сеопфатна проценка на индивидуалните национални стратегии ќе биде потребно да се почека крајот на пандемијата и да се спореди вкупниот број на хоспитализирани и починати пациенти, во однос на популацијата.

Застапниците на благите мерки истакнаа дека е неопходно да се спореди економската штета што земјите си ја нанеле себе си со различни стратегии, но рано е да се направи каква било проценка на ефектите од економските последици, бидејќи ниту еден сериозен експерт не сака да направи конкретни прогнози за тоа.

Поврзани вести

Деветмилионскиот Вухан во сообраќаен карантин заради коронавирусот

Помпео ги оцени како шокантни и вознемирувачки наводите дека Кина присилно ги стерилизира муслиманите

НИН во денешното издание нема фотографија на насловната страница

Српска докторка со помош на козја сурутка ја победила короната

Александар Петровски

Српски медиуми: Амфилохије на своето заминување го победи Вучиќ

Никола Поповски

Епидемиологот Тегнел: Наместо да се смеете на шведскиот модел на борба против ковид-19, подобро би било да научите нешто од него

Александар Петровски