Регион СВЕТ

По повод протестите во Бугарија: Борисов предлага нов Устав и преполовување на бројот на пратениците

Премиерот на Бугарија, Бојко Борисов, се обрати на нацијата во врска со протестите што веќе подолго време ја потресат земјата, предлагајќи да се направат одредени измени во сегашниот Устав.

Како што објасни тој, уставните измени првенствено ќе се однесуваат на Националното собрание, но и работата на државниот обвинител, чија оставка ја бараат демонстрантите.

Покрај тоа, Борисов предложил да се намали бројот на пратеници од 240 на 120, како и да се намали бројот на места во Големото национално собрание од 400 на 280.

Што се однесува до главниот обвинител, Борисов рекол дека тој треба да излегува еднаш во шест месеци пред Националното собрание, така што пратениците ќе имаат можност да побараат образложение за одредени случаи.

„Време е нашата држава да се ресетира“, посочил тој.

Борисов исто така изјавил дека тоа е она што го барале луѓето од него, што го чекале со години.

„Овие предлози ќе ја зајакнат довербата во сегашната политичка опција, додека оние пратеници кои живеат во форма на анонимност едноставно ќе исчезнат. Ќе се зајакне независноста на судството, а главниот обвинител ќе биде повеќе автономен. И, што е најважно, ќе се зајакне контролата врз она што го работи обвинителот“, заклучил Борисов.

Поврзани вести

Демонстрантите во Нови Сад го блокираа излезот на автопатот

Stefanija Kuzmanovska

Протести против полициското насилство и расизмот: Дали САД сè уште го сонуваат сонот на Мартин Лутер Кинг? (видео)

Никола Поповски

Одржана Парадата на гордоста во Приштина

user5

Деактивирано видео на профилот на Трамп на барање на групата Линкин Парк

Stefanija Kuzmanovska

Ердоган: Коментарите на Макрон за НАТО „болен и плиток“ поглед на нештата

Влатко Зорба

Курти: Воениот рок на Косово ќе биде задолжителен

Никола Поповски