ЕУ СВЕТ

Почнува судењето за соборувањето на малезискиот авион над Украина

Пред судот во Холандија денеска почнува судењето на тројца Руси и еден Украинец, кои се обвинети за повеќекратно убиство заради нивната вмешаност во соборувањето на авионот на „Малејжа ерлајнс“ во 2014 година.

Ова судење долго го очекуваат семејствата и пријателите на 298-те погинати лица на 17 јули 2014 година , кога ракета „Бук“ го погоди авионот на линијата МН17, над источна Украина. Семејствата вчера пред Амбасадата на Руската Федерација во Хаг поставија 298 бели столчиња во редови што потсетуваат на внатрешноста на авионот, за да го изразат својот протест заради тоа што Москва намерно се обидува да ја прикрие вистината за тоа што се случило.

Британскиот министер за надворешни работи Доминик Раб судењето го нарече „важна пресвртница кон одговорноста за уривањето на МН17“ и смртта на 298 лица, вклучувајќи и 10 Британци. Американскиот државен секретар Мајк Помпео го поздрави почетокот на судењето и Русија ја повика „да ги прекине континуираните агресивни и дестабилизирачки активности во Украина“.

По долгата и тешка истрага, која траеше неколку години, меѓународниот тим од истражители и обвинители минатата година именуваше четворица осомничени: Русите Игор Гиркин, Сергеј Дубински и Олег Пулатов, како и Украинецот Леонид Харченко.

Поврзани вести

Командантот на полските вооружени сили Јарослав Мика е позитивен на тест за новиот коронавирус

Зошто Путин гласал на референдумот без маска и ракавици? (видео)

На денешните протести во Хонг Конг, полицијата употреби солзавец врз демонстрантите

Maja_Serafimova

СЗО: Затворањето на градовите во Италија доведува до стабилизација

6000 луѓе заробени на брод поради сомнение за коронавирус

Никола Поповски

Стотици возила на итна помош со заразени со Ковид-19 чекаат ред пред влез на клиника во Русија (ВИДЕО)