Регион

Анкета: Животниот стандард и невработеноста се најголемите проблеми со кои се соочува Србија

 – Животниот стандард и невработеноста се најголемите проблеми со кои се соочува Србија во моментот, според најновото истражување спроведено заедно од „Блиц“ и „Фактор плус“.

Тоа е став на 84 отсто од граѓаните, додека 68 отсто сметаат дека најголем проблем е криминалот и корупцијата, 30 отсто дека е косовското прашање и состојбата на судството, 28 отсто состојбата во здравството и емиграцијата, а 24 отсто -белата чума, состојбата во образованието и заштитата на животната средина.

Истражувањето исто така покажа дека 56 проценти од граѓаните веруваат дека Белград и Приштина нема да потпишат договор, а дури 40 проценти сметаат дека „замрзнатиот конфликт“ е најдобро решение во моментот.

Кога станува збор за европската перспектива, 36 проценти од граѓаните сметаат дека Србија никогаш нема да влезе во ЕУ, 30 проценти велат дека ќе влезе после 2030 година, а два проценти во 2025 година, при што 38 отсто од граѓаните велат дека Србија не треба да влегува во Унијата, додека 35 проценти рекле дека треба.

Кога станува збор за економските реформи, 36 отсто од граѓаните изјавиле дека ги чувствуваат ефектите од реформите, 24 отсто чувствуваат малку, а 11 отсто чувствуваат целосни ефекти.

Рускиот претседател Владимир Путин има најголема доверба од светските лидери – 54 проценти, а потоа следува кинескиот претседател Си Џинпинг – 32 проценти, Доналд Трамп – 24 проценти, Ангела Меркел – 18 и Борис Џонсон – 10 проценти.

Поврзани вести

Укината смртната казна во Република Српска

user4

Пленковиќ: Граничниот спор со Словенија нема да го блокира влезот на Хрватска во Шенген-зоната

Влатко Зорба

Османи бара Apple да ја дефинира границата помеѓу Косово и Србија во апликацијата

Влатко Зорба

Грција: Плаќаме сместување на туристите ако се разболат од корона

Влатко Зорба

Курти денеска ја презема должноста шеф на извршната власт на Косово

Вучиќ: Србија цени секаква помош од ЕУ и ние сме многу благодарни

Влатко Зорба