Регион

Помпео: САД силно го поддржуваат грчко-турскиот дијалог

САД силно го поддржуваат дијалогот меѓу Грција и Турција, рече во вторникот американскиот државен секретар Мајк Помпео, по состанокот со грчкиот премиер Кирјакос Мицотакис на островот Крит.

Помпео се сретна со грчкиот премиер за време на дводневната посета на Грција, а разговорот се одржа откако се зголемија регионалните тензии околу енергетските истражувања, пренесува Хина.

Формално, сојузниците на НАТО, Грција и Турција се расправаат за неколку прашања и се согласија да ги продолжат разговорите за спорното разграничување на море, по повеќенеделни напнатости.

„Се надеваме дека овие разговори можат да продолжат на сериозен начин“, рече Помпео.

Грција и Турција се во расправија околу суверенитетот над водите каде што постојат наоѓалишта на гас.

Тензиите меѓу Турција и Грција ескалираа кон крајот на август, кога двете земји организираа ривалски воени вежби.

Грчко-турските тензии се намалија откако турскиот претседател Реџеп Таип Ердоган минатата недела, по разговорите со германската канцеларка Ангела Меркел и претседателот на Европскиот совет, Шарл Мишел, рече дека двете земји се подготвени за разговори за источниот Медитеран.

Помпео ја продолжува својата турнеја со посета на Италија во среда и четврток, а во петок пристигнува во Хрватска.

Поврзани вести

Д-р Несторовиќ: Никој жив не знае што се случува со коронавирусот

Влатко Зорба

Пицула: Шокантна бруталност на полицијата во Белград

Stefanija Kuzmanovska

Српскиот министер за здравство: Потврден првиот случај на коронавирус во Србија

Протести во Подгорица: Судир со полицијата, се скандира „Мило, крадецу“ (видео)

Во БиХ 341 новозаразен и 12 починати

Stefanija Kuzmanovska

Хоти: Направен напредок во изготвување на конечен договор, кој ќе доведе до заемно признавање

Влатко Зорба