Регион СВЕТ

Рама: Албин може да биде сè, но никогаш слуга на Србија

Албанскиот премиер Еди Рама реагираше по одлуката на косовскиот премиер Албин Курти за укинување на царината за прозводи што се увезуваат од Србија и Босна и Херцеговина и реакциите на косовските политичари по ова прашање.

Притоа го нападна поранешниот косовски премиер Рамуш Харадинај за кого напиша: „Бесрамно, Рамуш започнал да го валка Албин Курти“.

„Албин може да биде сè, но никогаш слуга на Србија. Посакувам да не потклекне на ниските напади за намалувањето на царината, што го уништија меѓународниот углед на Косово и ја направија Србија жртва во очите на светот“,  напиша Рама на Твитер.

Рама додава дека со воведувањето на царината се ставило јаже на вратот на Косово.

„Никогаш не се слушнал поголем идиотизам од проповедта дека царината ќе му донесе признавање на Косово од страна на Србија и ништо не му направило поголема штета на Косово од таа царина со повикот од Србија за нарушувања на ЦЕФТА правилата, јаже околу вратот на Косово, посочува Рама.

Според него Албин Курти е на вистинскиот пат.

„Намалувањето на царинските давачки, ќе биде неговиот прв ден како премиер во канцеларијата, повеќе не како лидер на опозицијата во кабинетот на премиерот. Треба да се соочи со етикетата „предавник“, таа етикета ги разликува лидерите на мирот од воените статуи “, заклучува Рама.

Поврзани вести

Зеленски: Можноста украинскиот патнички авион да е соборен од ракета не е исклучена, но се уште не е потврдена

Пораст во бројот на новозаразени во Кина

Се топи мнозинството на Џонсон, се очекуваат неизвесни избори во Британија

Излезот од вонредните мерки поради коронавирусот во Италија ќе биде спроведен во четири фази

Повеќе од 100.000 луѓе починале во Јужна Америка и Карибите откако биле заразени со новиот коронавирус

Трамп: САД се повлекуваат од Парискиот договор за климата

Maja_Serafimova